Kiraŭnika teleradyjokampanii «Hrodna» zatrymali za pjanaje kiravańnie
Infarmacyja pra dyrektara «Teleradyjokampanii «Hrodna» Mikałaja Mieljačenku ŭ studzieni 2024 hoda źnikła z sajta teleradyjokampanii. Akazałasia, što jon bolš nie pracuje va ŭstanovie. Pavodle infarmacyi Hrodna.life, hetamu papiaredničała zatrymańnie pravieranaha kadra.
Novy dyrektar pakul nie paznačany, a vykonvaje abaviazki hałoŭny inžynier Uładzimir Žudro. Pryčyny zvalnieńnia praz telefon u kampanii nie patłumačyli, abmiežavalisia «tak voś zdaryłasia». Na pytańnie, što z dyrektaram, u instahram-akaŭncie teleradyjokampanii karystalnikaŭ błakujuć.
Pavodle infarmacyi Hrodna.life, Mikałaj Mieljačenka byŭ zatrymany za pjanaje kiravańnie padčas navahodnich śviataŭ. Krynica śćviardžaje, što jon pravioŭ Novy hod u izalatary.
Mikałaju Mieljačenku 49 hadoŭ. Jon uznačalvaŭ «Teleradyjokampaniju «Hrodna» z 2008 hoda. Da hetaha byŭ zahadčykam karpunkta ATN Pieršaha kanała.
Treba skazać, što Mieljačenku i raniej zatrymlivali za kiravańnie ŭ pjanym vyhladzie. Taki vypadak adbyŭsia ŭ pačatku krasavika 2017 hoda. Tady pra zatrymańnie «vialikaha načalnika» napisaŭ tekst hrodzienski błoh S13.ru, ale paźniej jon źnik.
A praz tydzień Mieljačenka asabista ahučyŭ prapahandyscki film «Maršiem v nikuda». Jon sprabavaŭ u im dyskredytavać lidaraŭ apazicyi. Adzin z hierojaŭ filma Vadzim Sarančukoŭ tady padaŭ na «Teleradyjokampaniju «Hrodna» ŭ sud — biezvynikova.
Pratesty 2020 hoda pry Mieljačenku nazvali «biesparadkami i pravakacyjami». Jaho ŭnieśli ŭ «ČKB Hrodno i obłasť» za prymus da raźmiaščeńnia prapahandysckaha zapisu. Pry im padčas pratestaŭ 2020 zvolnili viadučaha Dźmitryja Čekana. I ŭvohule nie było zafiksavana nijakich faktaŭ ni ŭ słovach, ni ŭ dziejańniach, jakija prymušali sumniavacca ŭ jahonaj asabistaj addanaści režymu.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary