Cichanoŭskaja pavinšavała Tuska z abrańniem na pasadu premjera Polščy
«Spadziajusia na ščylnaje supracoŭnictva i ŭmacavańnie polska-biełaruskich adnosinaŭ», — napisała biełaruskaja nacyjanalnaja lidarka.
Śviatłana Cichanoŭskaja pavinšavała lidara «Hramadzianskaj płatformy» Donalda Tuska z pryznačeńniem na pasadu premjer-ministra Polščy.
«Pavažany spadar Tusk, vinšuju z abrańniem na pasadu premjer-ministra Polščy. Ja ŭdziačnaja vam za ŭsiu dapamohu, jakuju vy akazvali Biełarusi na praciahu doŭhich hadoŭ. I spadziajusia na ščylnaje supracoŭnictva, jakoje paskoryć demakratyčnyja pracesy ŭ našaj krainie. Asabliva važna dla nas vyzvaleńnie ŭsich palitviaźniaŭ, u tym liku žurnalista Andreja Pačobuta.
Ja ŭpeŭnienaja, što vašaje lidarstva i zdolnaść da stratehičnaha bačańnia buduć mocnym stymułam dla ŭmacavańnia i raźvićcia polska-biełaruskich adnosinaŭ», — havorycca ŭ vinšavańni.
***
Lidar apazicyjnaj dahetul «Hramadzianskaj płatformy» Donald Tusk byŭ učora zaćvierdžany na pasadu premjer-ministra Polščy. Vaśmihadovaje kiravańnie «Zakona i spraviadlivaści» skončyłasia.
«Chaču padziakavać polkam i palakam — tym, chto ŭsie hetyja hady nie hublaŭ viery, što ŭsio naładzicca i my vyhanim ciemru. Z zaŭtrašniaha dnia my vypravim toje, što było zroblena, kab kožny adčuvaŭ siabie ŭ Polščy jak doma», — zajaviŭ učora Tusk.
Siońnia, 12 śniežnia, Donald Tusk pakaža svaju prahramu i skład urada, paśla čaho ŭ Siejmie adbudziecca jašče adno hałasavańnie. Aficyjna Donald Tusk zojmie pasadu premjera, kali jaho prysiahu prymie prezident Polščy Andžej Duda.
Kamientary