Kachańnie i seks66

Ź jakoj dziaŭčynaj chłopcy bolš achvotna paznajomiacca? Psichałahinia ź Minska praviała ekśpierymient na miljony prahladaŭ

Barbara Abłamiejka, psichałahinia ź Minska, praviała sacyjalny ekśpierymient. Jana pasprabavała vyśvietlić, jakoj dziaŭčynie chłopcy bolš achvotna daduć svoj numar telefona — upeŭnienaj u sabie ci naadvarot nierašučaj. Vyniki ekśpierymientu pahladzieli bolš za 3 miljony čałaviek.

Barbara Abłamiejka. Fota: instahram babybaryy

Na pieršym videa, jakoje źjaviłasia ŭ tyktoku Barbary, jana padychodzić da roznych chłopcaŭ i, byccam by saromiejučysia, ź biaskoncymi «em», pytajecca: «Možna z vami paznajomicca?» Bolšaść admoviła dziaŭčynie: niechta ščyra skazaŭ, što nie zacikaŭleny ŭ hetym, niechta nie vielmi vietliva adkazvaŭ «Nie, ja ciapier zaniaty». Tolki adzin chłopiec pahadziŭsia praciahnuć znajomstva.

Heta videa nabrała amal 3 miljony prahladaŭ i bolš za 233 tysiačy łajkaŭ. U kamientaryjach sustrakalisia roznyja mierkavańni: naprykład, što sapraŭdy niaŭpeŭnienaja ŭ sabie dziaŭčyna nikoli b nie pajšła pieršaj znajomicca.

Adna z kamientatarak aburyłasia: «Nu i dzie ŭsie tyja chłopcy, jakija zvyčajna pišuć, što, kali dziaŭčyna prajavić inicyjatyvu, heta ŭ 95% vypadkach budzie ŭzajemna? Zdajecca, nie».

Jašče adna adznačyła, što chłopcy pavodziać siabie nie vielmi pryhoža: možna było spačatku paznajomicca, a potym užo dadać «ale ŭ mianie jość dziaŭčyna». Jana ličyć, što kateharyčnaje «nie» hučyć jak abraza.

Šmat chto paprasiŭ praciahnuć ekśpierymient i źniać videa, u jakim sprabuje paznajomicca vielmi ŭpeŭnienaja ŭ sabie dziaŭčyna. I Barbara heta zrabiła.

Jana padychodziła da chłopcaŭ upeŭniena, hladzieła im u vočy, paśmichałasia, kazała kamplimienty kštałtu «Małady čałaviek, u vas vielmi stylovy łuk, vy vyłučajeciesia z natoŭpu». Druhi ekśpierymient skončyŭsia tym, što Barbara atrymała ŭsiaho adnu admovu — chłopiec skazaŭ, što ŭ jaho jość dziaŭčyna. Astatnija pahadzilisia dać svoj numar telefona ci kantakt u instahramie.

Videa za sutki nabrała bolš za 715 tysiač prahladaŭ i amal 69 tysiač łajkaŭ. U hety raz kamientatary pačali chvalavacca za chłopcaŭ: a što, kali jany siadziać i čakajuć, pakul pryhožaja nieznajomka patelefanuje ci napiša ŭ sacsietkach?! Ale, viadoma, heta nie samaja niepryjemnaja situacyja z mahčymych.

«Budzie, kaniešnie, cikava, kali ŭ kahości ź ich jość dziaŭčyna i jana raptoŭna pabačyć heta videa», − napisała adna kamientatarka.

Kamientary6

  • Navukoviec
    28.11.2023
    Imcho, roznyja ŭmovy ekśpierymientaŭ. Niaŭpeŭnienaja dziaŭčyna chadziła ŭviečary pa kramach i padziemnych pierachodach, a ŭpeŭnienaja ŭdzień i pa vulicy. Asiarodździe taksama ŭpłyvaje na ŭražańni.
  • Małoj
    28.11.2023
    >> Jana ličyć, što kateharyčnaje «nie» hučyć jak abraza.


    Jana, ja parień, i takich "abraz" ot našich dievušiek słušał postojanno.

    https://d2accbiqacj5y8.cloudfront.net/331049


  • psich
    28.11.2023
    psichałahinia

Ciapier čytajuć

«My dakładna viedajem, dzie chavajecca tak zvany Viarchoŭny lidar. Jon — lohkaja cel». Tramp patrabuje kapitulacyi Irana3

«My dakładna viedajem, dzie chavajecca tak zvany Viarchoŭny lidar. Jon — lohkaja cel». Tramp patrabuje kapitulacyi Irana

Usie naviny →
Usie naviny

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej23

Łukašenka raskazaŭ, što karova pavinna stajać u pałacy i kožnamu nieabchodna «choć pa dźvie barazionki» bulby pasadzić20

U Kijevie ŭžo kala 100 paciarpiełych padčas načnoha ŭdaru1

Izrail zabiŭ i novaha kiraŭnika Hienštaba armii Irana. Jon zajmaŭ pasadu paru dzion7

U Minsku źnikła piensijanierka. Akazałasia, što jana pa prośbie «śledčych» stała kurjeram machlaroŭ 

Jakija banki hatovy ŭziać u vas nie samyja idealnyja kupiury

Što ciapier z archivam KDB ab represijach u BSSR, jaki zmahli zdabyć byłyja siłaviki? Kali jaho apubličać?51

Biełaruski pijanist uziaŭ adrazu try pryzy na konkursie ŭ Valensii

«Patraciła 300 rubloŭ — a jašče tolki siaredzina červienia!» Biełarusy abmiarkoŭvajuć vydatki na pakos travy i dzielacca łajfchakami32

bolš čytanych navin
bolš łajkanych navin

«My dakładna viedajem, dzie chavajecca tak zvany Viarchoŭny lidar. Jon — lohkaja cel». Tramp patrabuje kapitulacyi Irana3

«My dakładna viedajem, dzie chavajecca tak zvany Viarchoŭny lidar. Jon — lohkaja cel». Tramp patrabuje kapitulacyi Irana

Hałoŭnaje
Usie naviny →

Zaŭvaha:

 

 

 

 

Zakryć Paviedamić