U krainie skončyŭsia termin, da jakoha arhanizataram kancertaŭ treba było padać peŭny pakiet dakumientaŭ, kab zastacca ŭ dziaržrejestry, piša Sputnik Biełaruś.
Niekalki dziasiatkaŭ arhanizataraŭ kancertaŭ vyklučanyja z adpaviednaha rejestra Ministerstva kultury Biełarusi.
Stanam na maj 2023 hoda ŭ rejestry arhanizataraŭ kulturna-vidoviščnych mierapryjemstvaŭ na sajcie Minkultury było 736 indyvidualnych pradprymalnikaŭ i kampanij. Ź ich kala 20 ličylisia jak užo vyklučanyja.
U vieraśni ŭrad pryniaŭ pastanovu, jakaja źmianiła patrabavańni da arhanizataraŭ. Usich udzielnikaŭ rejestra abaviazali da 23 kastryčnika padać peŭny pakiet dakumientaŭ.
Naprykład, treba było pradstavić vypisku ab pravaparušeńniach kiraŭnika kampanii (ci IP). Druhoje patrabavańnie — padača danych ab arhanizacyi kulturna-vidoviščnych mierapryjemstvaŭ za apošnija try hady. Tych, u kaho staž pracy ŭ hetaj śfiery mienšy za try hady, było vyrašana vyklučyć z rejestra.
Kali ŭličyć infarmacyju na maj, to paśla pryniaćcia pastanovy vyklučana kala 50 arhanizataraŭ kancertaŭ i inšych vidoviščaŭ. Siarod ich byli nie tolki kampanii, ale i indyvidualnyja pradprymalniki.
Pa apošnich źviestkach, u śpisie 737 punktaŭ. Z ulikam vyklučanych udzielnikaŭ rynku ŭ krainie arhanizoŭvać kancerty i inšyja vidoviščnyja mierapryjemstvy maje prava kala 660 pradprymalnikaŭ i kampanij.
Raniej byli płany zabaranić IP arhanizacyju kancertaŭ i pakinuć hetaje pole dziejnaści kampanijam. Pakul što takuju normu nie pryniali, i ŭ rejestry naličvajecca prykładna try sotni IP. Siarod kampanij jość tyja, u jakich asnoŭny biznes — retejł (naprykład, «Jeŭrahandal») albo restarannaja sprava (minskija restarany Fabriq, «Siabry» i inšyja).
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary