Alijeŭ padniaŭ ściah Azierbajdžana nad byłym centram Nahornaha Karabacha
Prezident Azierbajdžana Ilcham Alijeŭ u niadzielu padniaŭ ściah krainy ŭ horadzie Chankiendzi (Ściepanakiercie — byłoj stalicy samaabvieščanaha Nahornaha Karabacha), piša «Svaboda».
Akramia taho, Alijeŭ padniaŭ azierbajdžanskija ściahi ŭ Chadžały, Ahdery i inšych nasielenych punktach Karabacha, jakija viarnulisia pad kantrol Baku paśla praviadzieńnia ŭ rehijonie 19 vieraśnia vajennaj apieracyi.
Takim čynam, Azierbajdžan adnaviŭ poŭny suvierenitet nad Karabacham.
Karabach pavodle mižnarodnaha prava ličycca častkaj Azierbajdžana.
Nasielnictva rehijona pieravažna składali armianie. Z pačatku 1990-ch hadoŭ Baku nie kantralavaŭ bolšuju častku terytoryi, tam była abvieščana Nahorna-Karabachskaja Respublika, nie pryznanaja nivodnaj krainaj śvietu. Akramia samoha Nahornaha Karabacha armianskaje vojska zachapiła niekatoryja prylehłyja rajony Azierbajdžana, što nie ŭvachodziać u Karabach.
19 vieraśnia Azierbajdžan u vyniku adnadzionnaj vajennaj apieracyi prymusiŭ urad niepryznanaj Nahorna-Karabachskaj respubliki kapitulavać.
Armianskaje nasielnictva, pad stracham pieraśledu, masava pakinuła svaje damy. Pavodle acenki AAN, u rehijonie za niekalki tydniaŭ zastałosia nie bolš za tysiaču sa 120 tysiač armian, jakija tam žyli. Jerevan nazvaŭ adjezd nasielnictva etničnaj čystkaj.
Azierbajdžanskija ŭłady zaklikali žycharoŭ zastacca ŭ rehijonie i zajavili pra hatoŭnaść vieści pieramovy ab reintehracyi armianskaha nasielnictva Karabacha.
«Nikoł Pašynian prosta zrabiŭ podłaść». Prapahandysty adreahavali na sustreču Cichanoŭskaj i premjera Armienii
Azierbajdžan zatrymaŭ troch byłych prezidentaŭ niepryznanaha Nahornaha Karabacha i byłoha staršyniu parłamienta
Eks-kiraŭnika Nahornaha Karabacha aryštavali pa abvinavačańni ŭ finansavańni teraryzmu
Kiraŭnik Lidy zaklikaŭ siłavikoŭ nie spyniać palityčnych represij28
Kamientary