Biełaruś pastaŭlaje ŭ Rasiju polskija jabłyki u abchod sankcyj. Adbyvajecca heta z dazvołu samich polskich pastaŭščykoŭ
Adpaviednaje rasśledavańnie praviali analityki biznes-partała EastFruit, jaki aficyjna padtrymlivajecca Charčovaj i sielskahaspadarčaj arhanizacyjaj AAN.
Pa infarmacyi charčovaha biznes-partała EastFruit, Biełaruś i Kazachstan praciahvajuć u abchod sankcyj pastaŭlać u Rasiju polskija jabłyki sa źmianieńniem dakumientaŭ ab krainie pachodžańnia.
Tolki za pieršyja 6 miesiacaŭ 2023 hoda Rasija takim čynam u ramkach «paralelnaha impartu» atrymała ad 50 da 70 tysiač ton śviežaj jabłyčnaj pradukcyi z Polščy, i tym samym zastałasia hałoŭnym rynkam zbytu dla polskich fiermieraŭ.
«Pa našych danych, polskija pastaŭščyki jabłykaŭ vydatna viedali i razumieli, kudy pojdzie i dla kaho pryznačana ich pradukcyja. Pakolki zabarony na pastaŭki polskich jabłykaŭ u Biełaruś i Kazachstan niama, to cieniavy reekspart u Rasiju adbyvaŭsia mienavita praz hetyja krainy», — paviedamili analityki partała EastFruit.
Jany ŭdakładnili, što za pieršyja paŭhoda 2023-ha Kazachstan atrymaŭ z Polščy 43,2 tysiačy ton śviežych jabłykaŭ, a Biełaruś — 26,5 tysiačy ton. Bolšaja častka pastavak adpraŭlałasia dalej u Rasiju, na čyj rynak prypadaje bolš za 15% usioj polskaj jabłyčnaj pradukcyi.
U toj ža čas jašče zusim niadaŭna pradstaŭnica Ministerstva antymanapolnaha rehulavańnia i handlu Biełarusi Taćciana Kraśniuk zapeŭnivała, što biełarusam nie daspadoby polskija jabłyki i što ich impart z Polščy ŭvohule nie patrebny.
Kamientary