Paśla piaci hadoŭ raspracovak Izrail prezientavaŭ najnoŭšy tank, jaki vykarystoŭvaje štučny intelekt. Izrailskija vajskoŭcy śćviardžajuć, što jon stanie «sapraŭdnaj revalucyjaj na poli boju».
Jak paviedamlaje internet-vydańnie Times of Israel, tank piataha pakaleńnia «Mierkava», jaki atrymaŭ nazvu «Barak» (u pierakładzie ź iŭryta — «małanka»), abstalavany vialikaj kolkaściu nadziejnych datčykaŭ dla vyjaŭleńnia celaŭ, a infarmacyja, sabranaja ŭ čas raźviedki, moža pieradavacca pamiž tankam i inšymi čaściami ŭzbrojenych sił, što stanie «sapraŭdnaj revalucyjaj na poli boju».
Jak śćviardžajuć śpiecyjalisty Ministerstva abarony Izraila, tank «Barak» pavysić mahčymaści vyjaŭleńnia praciŭnika i dazvolić vieści baraćbu ź im, zastajučysia amal niezaŭvažanym pry ŭsich scenarach boju, jak siońnia, tak i ŭ budučyni, suprać usioj raznastajnaści pahroz, jakija isnujuć dla manieŭranych sił.
Kamandzir tanka atrymaje šlem IronVision (raspracoŭka kampanii Elbit), padobny da šlema piłota źniščalnika, jaki dazvolić jamu całkam kantralavać situacyju navokał i budzie adlustroŭvać adpaviednuju infarmacyju ab chodzie boju.
Pa słovach vajskoŭcaŭ, šlem stvaraje vyjavu, jakaja dazvalaje ekipažu «bačyć skroź» braniu mašyny, što dapamoža «pieraadoleć abmiežavańni bačnaści, adnačasova pavyšajučy efiektyŭnaść i biaśpieku misii». Sistema dazvolić rabić skanavańnie na 360 hradusaŭ, vyjaŭlajučy celi ŭ režymie realnaha času z dapamohaj mahčymaściaŭ štučnaha intelektu.
Kampanija Elbit raspracavała dla tankaŭ «Barak» palepšanyja pryceły, a taksama bolš daskanałyja srodki načnoha bačańnia ŭ paraŭnańni z papiarednimi madelami «Mierkava». Abaronnaja firma taksama pakazała novy interfiejs dla tanka na asnovie sensarnaha ekrana, jaki demanstruje adpaviednuju infarmacyju kožnamu členu ekipaža.
Akramia taho, sistema abarony tanka składajecca z radara, jaki vyjaŭlaje rakiety, što nabližajucca, i prahnazuje ich trajektoryju, i puskavoj ustanoŭki, jakaja vypuskaje mietaličnyja hranuły, padobnyja da karciečy, jakija prymušajuć rakietu adchilacca ad celi i padryvacca ŭdalečyni ad tanka.
«Mierkava» — asnoŭny bajavy tank Armii abarony Izraila z 1980-ch hadoŭ. Pa infarmacyi Ministerstva abarony krainy, piataje pakaleńnie mašyny «Barak» u vyniku stanie asnoŭnym bajavym tankam izrailskaj armii.
Čytajcie jašče:
Prajekt «Piehas» — revalucyja ŭ špijanažy
Premjer-ministr Izraila ŭpieršyniu dapuściŭ mahčymaść pastavak va Ukrainu sistemy «Žalezny kupał»
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary