Ułady Nahornaha Karabacha zajavili pra pieršuju hałodnuju śmierć ad vaśmimiesiačnaj błakady

Abaronca pravoŭ čałavieka Nahornaha Karabacha Hieham Ściepanian paviedamiŭ pra vypadak hałodnaj śmierci ŭ rehijonie, piša Panarmenian.net.

Jon adznačyŭ, što žychar Ściepanakierta K. Avanisian, 1983 hoda naradžeńnia, pamior u vyniku chraničnaha niedajadańnia, białkova-enierhietyčnaj niedastatkovaści.

U mužčyny była vyjaŭlenaja alimientarnaja dystrafija (ahulnaje źniasileńnie z-za praciahłaha i niapoŭnaha pryjomu pažyŭnych rečyvaŭ, aciok, parušeńnie ŭsich formaŭ abmienu rečyvaŭ, z strukturnymi i funkcyjanalnymi parušeńniami orhanaŭ), białkova-enierhietyčnaja niedastatkovaść, dystrafija ŭnutranych orhanaŭ — nyrak, aniemija, septyčny stan, pravabakovy hidratoraks, chraničnaje niedajadańnie dy kompleks inšych chvarob.

Ułady Nahornaha Karabacha nazyvajuć pryčynaj śmierci vaśmimiesiačnuju błakadu rehijona z boku Azierbajdžana.

«Katastrafičnaja charčovaja situacyja, vyklikanaja błakadaj i asabliva dvuchmiesiačnaj poŭnaj abłohaj, i z pryčyny hetaha niedajadańnie asob i pahroza hoładu, adsutnaść nieabchodnych lekaŭ i niemahčymaść paŭnavartasnaha funkcyjanavańnia sistemy achovy zdaroŭja stvarajuć pramyja i biassprečnyja pahrozy dla 120 tysiač nasielnictva Arcacha», — adznačyŭ Ściepanian.

Učora Rada Biaśpieki AAN abmierkavała situacyju z błakadaj Nahornaha Karabacha, dzie, pavodle miascovych krynic, pradukty pieršaj nieabchodnaści amal na zychodzie, a siarod nasielnictva nazirajucca prykmiety hoładu.

Pasiadžeńnie było sklikana ź inicyjatyvy Armienii paśla taho, jak były prakuror Mižnarodnaha kryminalnaha suda zajaviŭ, što błakada Nahornaha Karabacha moža ŭtrymlivać prykmiety hienacydu miascovaha armianskaha nasielnictva.

Ministr zamiežnych spraŭ Armienii Ararat Mirzajan zajaviŭ, vystupajučy ŭ Radzie Biaśpieki, što praduchileńnie katastrofy ŭ rehijonie — heta klučavy abaviazak Abjadnanych Nacyj.

«Armienija adpraviła humanitarny kanvoj, jaki da hetaha času zastajecca na ŭjeździe ŭ Łačynski kalidor, bo azierbajdžanski bok pieraškadžaje jaho dastaŭcy ŭ Karabach», — skazaŭ jon.

U svaju čarhu pradstaŭnik Azierbajdžana ŭ AAN Jašar Alijeŭ acharaktaryzavaŭ słovy Mirzajana jak biespadstaŭnyja i nieabhruntavanyja abvinavačvańni. Jon taksama abvinavaciŭ Jerevan u sprobie manipulavać hramadskaj dumkaj.

U vyniku błakady Nahornaha Karabacha Mižnarodny kamitet Čyrvonaha Kryža byŭ pazbaŭleny mahčymaści pastaŭlać u rehijon pradukty charčavańnia i pradmiety pieršaj nieabchodnaści — da ŭviadzieńnia błakady abjomy pastavak składali kala 400 ton štodnia.

Padrabiaźniej pra błokadu Nahornaha Karabacha možna pračytać u materyjale Bi-bi-si:

Novaja błakada Nahornaha Karabacha: nie chapaje samaha nieabchodnaha

Čytajcie taksama:

U Nahornym Karabachu dla pošuku min vykarystoŭvajuć pacukoŭ. Praŭda, nie tych, jakich my viedajem

Armienija hatovaja pryznać Nahorny Karabach častkaj Azierbajdžana

Pašynian abvinavaciŭ rasijskich miratvorcaŭ u biaździejnaści

• 1
• 0
• 1
• 2
• 3
• 4
• 7
• 0