Ułady Minska raskazali, kali pačnuć budavać kvatery na miescy šmatpakutnaha «Huliviera»
Demantaž na viadomym abjekcie — daŭhabudzie, raźmieščanym na vulicy Prytyckaha, zavieršany. Pra heta «Minsk-Navinam» raspaviała dyrektar UKB Minharvykankama Anžeła Babaryka.
Nahadajem historyju pytańnia. Na terytoryi pamiž vulicami Prytyckaha i Dunina-Marcinkieviča pryvatny inviestar jašče ŭ pačatku 2000-ch pačaŭ budaŭnictva šmatfunkcyjanalnaha kompleksu «Hulivier», jaki mieŭsia ŭklučać u siabie handlovyja i zabaŭlalnyja abjekty, a taksama šmatuzroŭnievuju aŭtamabilnuju stajanku.
Raboty na placoŭcy spynilisia jašče na pačatkovym etapie, na ŭčastku tolki pačaŭ raści karkas budučaha budynka. Abjekt pieratvaryŭsia ŭ daŭhabud.
Paźniej kampanija-zabudoŭščyk była padvierhnutaja pracedury bankructva, abjekt niekalki razoŭ sprabavali pradać na aŭkcyjonie, ale biespaśpiachova. U pačatku 2022 hoda daŭhabud byŭ pryniaty horadam i pieradadzieny UKB Minharvykankama dla zaviaršeńnia. Zamiest handlova-zabaŭlalnaha centra na hetaj placoŭcy vyrašyli ŭźvieści žyły kompleks.
Pa raspracavanaj architekturna-płanirovačnaj kancepcyi na placoŭcy płanujuć pabudavać dva indyvidualnyja žyłyja damy pavyšanaj kamfortnaści z padziemnymi parkinhami, a taksama čatyry damy ŭ bujnapanelnym domabudavańni. Zabudovu dapoŭniać aŭtastajanki, abjekty inžyniernaj infrastruktury, dziciačyja i spartyŭnyja placoŭki.
Demantaž pačali ŭ studzieni hetaha hoda. Adnačasova raspracoŭvali prajektnuju dakumientacyju dla novaha ŽK.
— Demantaž vykanany, nievialikaja častka kanstrukcyj zastałasia, ich vykarystajuć dla doma i parkinha, — udakładniła A. Babaryka. — Ciapier my pačynajem na placoŭcy pierakładku sietak, uźviadzieńnie novych inžyniernych zbudavańniaŭ.
Płanujem, što budaŭnictva žylla pačniom u žniŭni. Prajekt ciapier prachodzić ekśpiertyzu.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary