Eks-premjer Finlandyi paprasiła miedyja nie ŭmiešvacca ŭ jaje pryvatnaje žyćcio
Byłaja premjer-ministarka Sana Maryn raskrytykavała miedyja za toje, jak jany aśviatlali jaje pryvatnaje žyćcio padčas pracy premjeram.
Pavodle jaje słoŭ, toje, jak žurnalisty pisali pra jaje žyćcio, zdavałasia «nieabhruntavanym i pierabolšanym», jak piša Yle.fi.
— Pazaŭčora byŭ moj apošni dzień pracy na pasadzie premjer-ministra, i ja liču, było b razumna, kab pytańni, jakija datyčać majho asabistaha žyćcia, bolš nie abmiarkoŭvalisia na publicy padobnym čynam, — napisała Maryn u tvitary.
Jana admoviłasia kamientavać tvit paśla publikacyi.
Sana Maryn była premjeram Finlandyi sa śniežnia 2019 hoda pa krasavik 2023 hoda. Kali jana ŭznačaliła ŭrad, jana była samym maładym na toj čas premjer-ministram u śviecie (34 hady).
Miedyja aktyŭna kamientavali jaje pryhažość, śvieckaje žyćcio, u tym liku viečarynki abo razvod z mužam. U krasaviku 2023 hoda jaje Sacyjał-demakratyčnaja partyja prajhrała vybary, i Maryn pajšła ŭ adstaŭku. U aŭtorak finski ŭrad uznačaliŭ kansiervatar Pietery Orpa.
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ10
Kamientary