Viadomaja svajoj radykalna antybiełaruskaj pazicyjaj prarasijskaja i prałukašenkaŭskaja aktyvistka Volha Bondarava źniałasia ŭ niezvyčajnym dla siabie žanry pakajannaha videa. Jano źjaviłasia ŭ jaje telehram-kanale jak «aficyjnaja zajava».
«Prašu prabačeńnia va ŭsich, kaho mahła pakryŭdzić nieaściarožnym słovam abo nieabhruntavanymi pretenzijami: deputataŭ, publičnych asob, supracoŭnikaŭ pravaachoŭnych orhanaŭ», — havoryć na kamieru Bondarava.
Pry hetym jana abiacaje: «My praciahniem stvaralnuju dziejnaść pa abaronie dziaciej, baraćbie z nacyzmam, z falsifikacyjami historyi, a taksama pa adukacyi hramadstva ŭ intaresach dziaržavy». Heta varta razumieć jak abiacańnie praciahvać dziejnaść, skiravanuju suprać biełaruščyny va ŭsich jaje prajavach.
Źjaŭleńnie hetaha videa vidavočna źviazana z tym, što apošnim časam Bondarava, adčuvajučy svaju biespakaranaść i navat siłu, bo na jaje klaŭzy ŭładnyja orhany reahavali chutka i rabili ŭsio, što joj chaciełasia, pierastała adčuvać mieru. U vyniku pad krytyku adyjoznaj aktyvistki stali patraplać navat čynoŭniki i siłaviki, ź jakimi ŭ jaje z tych ci inšych pryčyn nie skłalisia adnosiny. A jaŭna pierajšła ŭsie čyrvonyja linii jana tady, kali pajšła ŭ ataku na načalnika hrodzienskaj abłasnoj milicyi Dźmitryja Raziankova.
Možna mierkavać, što mienavita arhumienty vysokapastaŭlenych siłavikoŭ viarnuli Bondaravu ź nieba na ziamlu i prymusili bolš krytyčna acanić svaju rolu i miesca.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1717
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
Biełarusi ?
Nie nado było trohať mvdie i khbie. Razriešieno izholaťsia tolko nad prostymi biełorusami i biełorusskim v Biełarusi.
Pokazali, kto choziain na etoj časti polany russkoho mira, v kotoruju, łukašienko i jeho siłoviki, prievratili Biełaruś.