U Vilni zabudoŭščyka aštrafavali na 141 tysiaču jeŭra za śpiłavany viekavy dub
Meryja Vilni vyniesła rašeńnie ab štrafie na sumu 141 tysiača jeŭra dla zabudoŭščyka, jaki śpiłavaŭ viekavy dub u centry horada, paviedamlaje Delfi.
Pavodle mera Vilni Vałdasa Bienkunskasa, košt adnaŭleńnia zialonych nasadžeńniaŭ abydziecca mienavita ŭ takuju sumu pa padlikach municypaliteta.
«Śćviardžać, byccam detalovy płan daje im prava na śpiłoŭvańnie dreva — poŭny absurd, bo, pa-pieršaje, pa zakonie nie detalovy płan daje takoje prava, patrebny asobny dazvoł. Im taki dazvoł nie vydavaŭsia, nie było nijakich nadziej na toje, što jaho vydali b, heta manipulacyi i sproby vykrucicca ź situacyi», — skazaŭ mer. Jon zaŭvažyŭ, što municypalitet staić na svaim — było ździejśniena złačynstva.
Stahadovy dub u centry litoŭskaj stalicy byŭ śpiłavany 20 maja. Heta vyklikała abureńnie haradžan, jakija navat stali zapalvać śviečki na miescy zdareńnia.
Kamientary