Litva sioleta admoviła ŭ DNŽ praz «pahrozu biaśpiecy» ŭžo 309 biełarusam
Sioleta Litva admoviła ŭžo 309 biełarusam u vydačy dazvołu na žycharstva praz «pahrozu biaśpiecy». Siarod tych, chto atrymaŭ admovu ŭ DNŽ, jość i biełarusy, jakija daŭno žyvuć u Litvie, raskazała ahienctvu Delfi kiraŭnica litoŭskaj mihracyjnaj słužby Evielina Hudzinskajcie.
Pavodle litoŭskaj čynoŭnicy, kolkaść admoŭ u vydačy dazvołu na žycharstva rezka vyrasła za apošni hod, bo Litva ŭviała admysłovyja ankiety, u jakich treba dać adnaznačny adkaz pra staŭleńnie da vajny Rasii suprać Ukrainy.
U vyniku z-za «pahrozy biaśpiecy» sioleta ŭžo 309 biełarusaŭ i 38 rasijan nie atrymali dazvołaŭ na žycharstva ŭ Litvie.
Letaś, u pieršy hod vajny, u dazvole na žycharstva ŭ Litvie admovili 163 hramadzianam roznych krain pa roznych pryčynach (ź ich usiaho 32 razy z-za pahrozy biaśpiecy).
«Rost značny», — padkreśliła Hudzinskajcie.
Pavodle jaje, niahledziačy na toje, što pazicyja Litvy ŭ adnosinach da vajny niedvuchsensoŭnaja i dobra viadomaja, kožny miesiac niekalki dziasiatkaŭ čałaviek u ankiecie zaśviedčvajuć, što padtrymlivajuć Rasiju i jaje matyvy.
«Heta ździŭlaje. Ludzi vierać tamu, što havorać biełaruski i rasijski režymy, hladziać i słuchajuć prapahandu, žyvuć u tym śviecie», — skazała čynoŭnica.
Miesiac tamu biełarusaŭ, jakija z pačatku hoda zadekłaravali padtrymku dziejańniaŭ Rasii, było 280 čałaviek.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary
A nam treba tady pytacca - prynamsi - čym była Ryžskaja damova