«Jany zabirajuć naš chleb». Kazachstanskija pieravozčyki vystupajuć za toje, kab Jeŭrasajuz abmiežavaŭ ruch hruzavikoŭ na biełaruskich i rasijskich numarach
Sajuz mižnarodnych aŭtamabilnych pieravozčykaŭ Kazachstana (KazATO) vykazaŭ niezadavolenaść z-za ŭščamleńnia miascovych transpartnych kampanij z boku pieravozčykaŭ Biełarusi i Rasii.
Kazachstanskija transpartnyja kampanii chočuć spynić paralelny impart sa svajoj terytoryi ŭ Biełaruś i Rasiju, a taksama paprasić Jeŭrasajuz abmiežavać pa svajoj terytoryi pieramiaščeńnie hruzavikoŭ na biełaruskich i rasijskich numarach. Pra heta paviedamiŭ kazachstanski ofis Forbes sa spasyłkaj na pres-kanfierencyju miascovych transpartnych kampanij.
Padčas pres-kanfierencyi kiraŭniki Sajuza mižnarodnych aŭtamabilnych pieravozčykaŭ Kazachstana (KazATO) vykazalisia suprać palityki kazachstanskich uład, jakija dazvalajuć firmam ź Biełarusi i Rasii pravodzić «pieračepku» na svaje mašyny hruzaŭ ź Jeŭropy, jakija iduć u Kazachstan i nazad.
Na dumku KazATO, va ŭmovach mižnarodnych sankcyj u dačynieńni da Biełarusi i Rasii taki dazvoł tolki paharšaje reputacyju i ekanomiku Kazachstana, a taksama ŭščamlaje miascovych pieravozčykaŭ.
«Z 2022 hoda ŭ suviazi z sankcyjami, nakładzienymi na Rasijskuju Fiederacyju i Respubliku Biełaruś, rasijskija i biełaruskija kampanii rehistrujuć na terytoryi Kazachstana transpartnyja kampanii i atrymlivajuć status miascovaha rezidenta. Ich hruzaviki staviacca na ŭlik i atrymlivajuć kazachstanskija dziaržaŭnyja rehistracyjnyja numarnyja znaki, i jany tym samym ažyćciaŭlajuć mižnarodnyja aŭtapieravozki ŭ jeŭrapiejskija krainy pad ściaham Kazachstana», — zajaŭlaje prezident KazATO Machsat Saktahanaŭ.
Pa infarmacyi KazATO, biełaruskija i rasijskija transpartnyja kampanii razam asobnymi pradprymalnikami masava stvarajuć u Kazachstanie jurydyčnyja asoby i mimikryrujuć pad miascovych hulcoŭ, što daje im vielizanyja mahčymaści dla paralelnaha impartu tavaraŭ. Z ulikam taho, što aficyjna Kazachstan nie dapamahaje Biełarusi i Rasii z paralelnym impartam, toje, što adbyvajecca zaraz, značna paharšaje mižnarodnuju reputacyju Kazachstana.
U dadatak da hetaha miascovyja pieravozčyki skardziacca na rezkaje paharšeńnie ich materyjalnaha stanovišča i jakaści žyćcia z-za «pieračepki» i źviazanych ź joj strat.
«Ciažka stała pracavać, zarablać i vieści biznes. Biełaruś i Rasija adbirajuć naš chleb. Heta našy hruzy, i mienavita my pavinny ich vazić. Voś, naprykład, situacyja ź Biełaruśsiu: na kožny naš rejs, sankcyjny i niesankcyjny, patrebnaja elektrapłomba za 130 jeŭra. Pry «pieračepcy» ŭ Biełarusi z nas zvyčajna biaruć jašče ad 1500 da 3800 jeŭra na dadatkovy dazvoł dla pieravozak u Jeŭropu, i heta tolki ŭ adzin bok, tamu davodzicca płacić dvojčy. I jašče dadatkova patrabujuć bolš za 200 jeŭra za «dazvoł na pieravozku ad treciaj krainy». Pry hetym z nas nie pavinny, pavodle pahadnieńniaŭ, takoha patrabavać», — skardziacca kazachstanskija pieravozčyki.
Pavodle ich słoŭ, z-za hetaha tysiačy rabotnikaŭ transpartnych kampanij Kazachstana zastalisia biez zarabotnaj płaty, a ich siemji — biez dachodu.
Tamu KazATO patrabuje ad uład Kazachstana admovicca ad padobnaj «pieračepki» i choča paprasić Jeŭrasajuz abmiežavać pieramiaščeńnie pa svajoj terytoryi lubych hruzavikoŭ na biełaruskich i rasijskich numarach.
Ciapier čytajuć
Babaryka zojmiecca biznesam — užo adkryŭ kampaniju ŭ Hiermanii11
Babaryka zojmiecca biznesam — užo adkryŭ kampaniju ŭ Hiermanii
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary