Amierykanski hienierał Chodžes nazvaŭ umovu, pry jakoj mahčyma vyzvalić Krym da kanca leta, a Danbas — u nastupnym hodzie
Były kamandujučy vojskami ZŠA ŭ Jeŭropie hienierał Ben Chodžes ličyć, što pry najaŭnaści rakiet dalokaha radyusu dziejańnia Ukraina moža vyzvalić Krym da kanca leta, a Danbas — da kanca nastupnaha hoda ci navat raniej, piša «Ukrinform».
«Całkam mahčyma prynamsi toje, što Ukraina vyzvalić Krym da kanca leta», — ličyć hienierał.
Ale pry ŭmovie, kali partniory daduć nieabchodnuju zbroju, pierš za ŭsio vysokadakładnuju vialikaha radyusu dziejańnia. Na dumku Chodžesa, USU pavinny mieć mahčymaść stralać na 150-300 kiłamietraŭ, i kab rakieta papadała dakładna ŭ cel, tady rasijski Čarnamorski fłot prosta vymušany budzie pakinuć paŭvostraŭ.
Vyrašalnym miescam Chodžes ličyć Krym. Jon rastłumačyŭ, što pakul rasijanie ŭ Krymie, Ukraina nie zmoža vykarystoŭvać port Maryupala i 140 sudoŭ, što stajać u Adesie.
Pa jaho pierakanańni, tym, što źmienić praviły hulni, stanie nie niejkaja śpiecyfičnaja zbroja, a pryniaćcie partniorami rašeńnia, što Ukraina pavinna pieramahčy.
Chodžes miarkuje, što, skavaŭšy rasijskija siły vakoł Bachmuta, USU mohuć błakavać Krym.
Ciapier čytajuć
«Kadebist vyjšaŭ z pakoja i pakinuŭ śviataru pistalet». Što adbyvajecca z ksiandzom Akałatovičam, jakoha abvinavacili ŭ špijanažy4
«Kadebist vyjšaŭ z pakoja i pakinuŭ śviataru pistalet». Što adbyvajecca z ksiandzom Akałatovičam, jakoha abvinavacili ŭ špijanažy
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary