Kitajec atrymaŭ zarobak manietami — ahulnaja vaha vypłaty skłała 60 kiłahramaŭ
Kitajskaja kampanija vypłaciła zvolnienamu supracoŭniku vychadnuju dapamohu manietami ahulnaj vahaj bolš čym 60 kiłahramaŭ. Vynikovaja suma takoj niezvyčajnaj vypłaty skłała 10 tysiač juaniaŭ (bolš za 3500 biełaruskich rubloŭ).
Usio pačałosia z taho, što kampanija pa achovie zdaroŭja ŭ horadzie Čanša na poŭdni Kitaja zvolniła supracoŭnika biez pryčyny. Jon, u svaju čarhu, padaŭ u arbitražny sud na byłych pracadaŭcaŭ i vyjhraŭ spravu. Pa vynikach suda kampaniju abaviazali vypłacić zvolnienamu supracoŭniku 10 tysiač juaniaŭ, što ŭklučała ŭ siabie zarobak supracoŭnika i kampiensacyju jamu, piša The Times.
Kampanija, nazvu jakoj kitajskija miedyja nie nazyvajuć, zaciahvała praces vypłaty. U vyniku jaje kiraŭnictva zahadała byłomu supracoŭniku źviarnucca pa vypłatu ŭ niekalki bankaŭ, kab toj atrymaŭ drobnyja hrošy ahulnaj sumaj u 10 tysiač juaniaŭ.
Pradstaŭniki kitajskaha suda byli niezadavolenyja tym, što kampanija vyrašyła vykanać ich prysud takim čynam. Sud pastanaviŭ, što pakolki kampanija zvyčajna nie vykarystoŭvaje maniety ŭ svajoj dziejnaści, vypłata hrošaj u manietach — sproba pieraškodzić tamu, kab zahad suda byŭ vykanany naležnym čynam. Za heta kampanija atrymała štraf pamieram u 5 tysiač juaniaŭ (kala 1760 biełaruskich rubloŭ).
Prysud vyklikaŭ apładysmienty pradstaŭnikoŭ hramadskaści. Jany nazvali ŭčynak kampanii nizkim i zadalisia pytańniem, ci budzie hetaja ž kampanija płacić manietami štraf.
Novy praŭładny mierč nazvali Lepshy. Tłumačym, čamu stvaralniki kiepska viedajuć biełaruskuju movu
«Bansaj pryjšłosia zakapać na leciščy ŭ baćkoŭ». Jak biełarusy źjazdžali za miažu bieź lubimych raślin
Śniacca kašmary pa načach? Heta moža być rańniaj prykmietaj demiencyi
Ciapier čytajuć
Aryštavany dyrektar Pałaca Respubliki, adzin z arhanizataraŭ Marafona adzinstva5
Kamientary