Biełaruski śpiecnaz u cyvilnym budzie achoŭvać čyhunačnyja šlachi pierasoŭvańnia rasijskaj vajskovaj techniki
Ad zaŭtra śpiecnaz unutranych vojskaŭ budzie achoŭvać čyhunku na poŭdni Respubliki Biełaruś (Homielskaja i Bresckaja vobłaść).
Patruli buduć chadzić u cyvilnym adzieńni, pry sabie mieć zbroju i racyi z GPS-trekierami. Pražyvańnie płanujecca ŭ pałatkach niedaloka ad čyhunačnaj infrastruktury, paviedamlaje @belzhd_live.
Hetaja navina jaŭna źviazanaja ź niebiaśpiekaj dyviersij na čyhuncy, jakija paśla ŭvarvańnia Rasii ŭ Ukrainu čas ad času ładziać hramadzianie Biełarusi.
Paśla pačatku vajny zatrymali minimum vosiem biełarusaŭ za padazreńnie ŭ zryvie hrafiku ruchu rasijskich ciahnikoŭ sa zbrojaj i datyčnych da fizičnaha paškodžańnia infrastruktury čyhunki ŭ Biełarusi. Telehram-kanał «Live. Soobŝiestvo žieleznodorožnikov Biełarusi» 6 sakavika pisaŭ, što z-za dyviersij («rejkavaj vajny») i kibier-napadaŭ na infrastrukturu Biełaruskaj čyhunki pa Biełarusi pierastali pierahaniać arhanizavanyja vajskovyja ešałony z technikaj i bojeprypasami rasijskich vojskaŭ.
Pra adnu z apošnich surjoznych akcyj takoha kštałtu stała viadoma 16 sakavika. Na pierahonie Damanava — Lasnaja (Bresckaje adździaleńnie) byli źniščanyja pryłady aŭtamatyki i telemiechaniki SCB, a na pierahonie Farynava — Zahaćcie (Viciebskaje adździaleńnie) — relejnaja šafa SCB. U vyniku akcyj, jak śćviardžajecca, parušany hrafik ruchu ciahnikoŭ, u tym liku vajennaha pryznačeńnia. Adkaznaść za jaje ŭziała na siabie arhanizacyja BYPol.
A litaralna siońnia ŭ Oršy za paškodžańnie čyhunačnych šlachoŭ zatrymany miascovy supracoŭnik čyhunki. Na praŭładnym tielehram-kanale ź im źjaviłasia «pakajalnaje» videa. Adnak tvar mužčyny nie pakazali, a proźvišča nie nazvali. Sam zatrymany na videa «pryznaŭsia», što skraŭ ciahu ručnoha tormazu na hruzavym vahonie.
Čytajcie taksama:
BYPOL uziaŭ adkaznaść za čarhovuju dyviersiju na čyhuncy
Žychary Stoŭbcaŭ: Vyjaznyja hrupy HUBAZiK i SOBR druhi tydzień teraryzujuć miascovych
Z pačatku vajny zatrymali minimum 8 «rejkavych partyzanaŭ». Što viadoma pra «rejkavuju vajnu» ŭ Biełarusi
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary