Azaronak pra Zielcera: «Jany sami vyklikali milicyju na siabie». Hienprakuratura: «Vobšuk byŭ sankcyjanavany»
Jašče ŭ aŭtorak uviečary była nieaficyjnaja infarmacyja pra toje, što 28 vieraśnia na liniju «102» pastupaŭ zvanok ab nieviadomych, jakija łamajuć dźviery ŭ kvatery pa vulicy Jakuboŭskaha, 29. Učora viadučy STB Ryhor Azaronak u viečarovym vypusku navinaŭ zajaviŭ, što z kvatery było dva zvanki ad mužčyny i žančyny. Maŭlaŭ, jany sami na siabie vyklikali milicyju. Miž tym, hienieralny prakuror Andrej Švied adznačyŭ: vobšuk u kvatery Zielcera byŭ sankcyjanavany. To-bok jaho adras «adpracoŭvali».
Voś pra što kazaŭ u viečarovym efiry Azaronak:
«Mnohija prosta nie mohuć zrazumieć pavodziny hetaj parački. Zdymki ŭ kvatery pierad stralboj. Jak heta? Navošta? U nas jość ekskluziŭnaja i praŭdzivaja infarmacyja, jakaja pralivaje śviatło na hetaje pytańnie. Pačniom spačatku. Učora dniom sumiesnaja hrupa MUS i KDB, što nazyvajecca, «adpracoŭvała» hety rajon pa spravie ab teraryźmie.
Sačycie za łancužkom. Hrupa siłavikoŭ adpracoŭvaje ŭ hetym rajonie. I tut na liniju «102» pastupaje telefonny zvanok. Heta byŭ zvanok z toj samaj kvatery. Spačatku ad mužčyny, a paśla druhi — ad žančyny. Jany sami vyklikali milicyju na siabie. Jany rychtavalisia. Jon zaradziŭ strelbu. «Viedźma» zaradziła telefon. Jany čakali, jany viedali, što da ich zaraz pryjduć. Jany ŭstanavili jašče adnu kamieru ź inšaha boku».
A heta słovy Hienieralnaha prakurora Andreja Švieda:
«Učora padčas praviadzieńnia pracesualnych dziejańniaŭ, što byli sankcyjanavanyja ŭ paniadziełak adnym z maich namieśnikaŭ, havorka išła pra toje, što byli dadzienyja sankcyi na praviadzieńnie dziasiatka šerahu pracesualnych dziejańniaŭ, źviazanych z pravierkaj asob, jakija mohuć być datyčnymi da teraryzmu i ekstremizmu.
Učora padčas praviadzieńnia vobšuku ŭ adnym z žyłych pamiaškańniaŭ asoba, što zahadzia padrychtavałasia, jakaja padazrajecca ŭ datyčnaści da teraryzmu, naŭmysna i metanakiravana streliła ŭ supracoŭnikaŭ pravaachoŭnych orhanaŭ».
Vyhladaje, što zajavy supiarečać adna druhoj. Niezrazumieła, ci vyklikali Zielcer i jaho žonka na siabie milicyju albo nie, ci išli supracoŭniki ŭ kvateru metanakiravana albo patrapili tudy vypadkova pa vykliku.
Čytajcie taksama:
Pradavačka, źbirała podpisy za Cichanoŭskuju, pahražaje 25 hadoŭ. Što siońnia viadoma pra žonku Andreja Zielcera, jaki zastreliŭ siłavika
-
Palitviaźniaŭ Sałaša i Babickaha asudzili na piać hadoŭ kałonii za artprastoru «Skład butelek»
-
«Jana lubiła žyćcio». Pamierła ŭkrainskaja pravaabaronca, jakaja dapamahała biełarusam
-
Prypynili pryjom zajavak na italjanskija vizy. Raniej stała viadoma, što padazravany ŭ dyviersii ŭ Lejpcyhu atrymaŭ vizu ŭ Minsku
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary