Stan zdaroŭja Julii Čarniaŭskaj značna pahoršaŭ. Abarona budzie prasić ab admienie chatniaha aryštu
Stan zdaroŭja Julii Čarniaŭskaj, jakaja druhi miesiac znachodzicca pad chatnim aryštam pa «spravie Tut.by» značna pahoršaŭ, paviedamlaje jaje advakat. Joj nieabchodnyja miedycynskaje abśledavańnie i nahlad daktaroŭ, jakija va ŭmovach ciapierašniaj miery strymańnia atrymać niemahčyma. Abarona Julii budzie nastojvać na zamienie chatniaha aryštu na asabistaje daručalnictva abo padpisku ab niavyjeździe, paviedamlaje Tut.by.
Apošnija hady žyćcia Juryja Zisiera dla siamji byli ciažkimi. Julija Čarniaŭskaja pryśviaciła ŭsiu siabie mužu, zabyŭšysia na čas pra svajo zdaroŭje, a kali jaho nie stała, staryja traŭmy i chvaroby abrynulisia na jaje z novaj siłaj.
18 maja 2021 hoda, u dzień źmiaščeńnia Čarniaŭskaj pad chatni aryšt, u jaje zdaryŭsia hipiertaničny kryz. Jana straciła prytomnaść, i jaje dastavili ŭ balnicu, dzie joj akazali ekstrannuju miedycynskuju dapamohu. Heta pryviało da taho, što raniej dyjahnastavanaja ŭ jaje ryzyka 3 arteryjalnaj hipiertenzii druhoj stupieni źmianiłasia na ryzyku 4 — samuju vysokuju.
Akramia taho, Julija pakutuje na branchijalnuju astmu, surjoznyja zachvorvańni sardečna-sasudzistaj sistemy. Paśla pieraniesienaha ŭ 2009 hodzie ciažkaha pierałomu stupni i składanaj apieracyi ŭ šostaj HKB, kali jana paŭhoda mahła pieramiaščacca pa domie tolki na invalidnym vazku, Julija adčuvaje pastajannyja mocnyja boli ŭ levaj nazie. Akramia taho majucca i inšyja surjoznyja prablemy z zachvorvańniami aporna-ruchalnaha aparata z vyjaŭlenym bolevym sindromam.
— My vielmi spadziajomsia na toje, što śledstva abjektyŭna i staranna padydzie da razhladu chadajnictva. Pakolki vidavočna, što, uličvajučy asobu Julii Visaryjonaŭny i stan jaje zdaroŭja, niama absalutna nijakich padstaŭ mierkavać, što znachodžańnie jaje ŭ bolš miakkaj miery strymańnia moža stvaryć choć niejkija prablemy śledčym orhanam, — paviedamlaje abarona Julii Čarniaŭskaj.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary