Google bolš nie budzie pradavać rekłamu na asnovie historyi prahladaŭ karystalnikaŭ
Google zajaviła, što bolš nie budzie vykarystoŭvać technałohii, jakija adsočvajuć veb-karystalnikaŭ, kali jany pierachodziać z sajta na sajt. Hetu technałohiju kampanija vykarystoŭvała, kab pradavać rekłamu.
Technałohii adsočvańnia historyi prahladaŭ veb-sajtaŭ vyklikajuć šmat krytyki z boku pravaabaroncaŭ, bo źjaŭlajucca parušeńniem kanfidencyjalnaści karystalnikaŭ. Adnak šmat kampanij abapirajucca na takija technałohii, kab tarhietavać svaju rekłamu i tym samym zrabić jaje bolš efiektyŭnaj.
«Ludzi nie pavinny pahadžacca z tym, što ich adsočvajuć u rekłamnych metach, a rekłamadaŭcam nie treba adsočvać asobnych karystalnikaŭ, kab atrymać dachod ad ličbavaj rekłamy», — adznačyŭ mieniedžar pa praduktach Google Devid Temkin.
Google adznačyła, što ciapier kampanija aktyŭna zajmajecca raspracoŭkaj novych technałohij, kab tarhietavać rekłamu biez zboru infarmacyi nakont taho, jakija sajty naviedvali veb-karystalniki, piša The Wall Street Journal.
Takija źmieny chvalujuć rekłamadaŭcaŭ, pakolki źviestki z historyi braŭziera dapamahajuć vyznačyć, ci nabyvaŭ kali-niebudź karystalnik toj ci inšy pradukt i ci varta jamu pakazvać rekłamu.
Adnak niadaŭna kampanija raspaviała pra technałohiju pad nazvaj Federated Learning of Cohorts, jakaja ŭ budučyni musić zamianić pabočnyja fajły cookie. Heta technałohija vykarystoŭvaje peŭnyja ałharytmy dla analizu źviestak karystalnikaŭ, jakija paśla aŭtamatyčna abjadnoŭvajucca ŭ vialikija hrupy na asnovie ich pieravah. Ale ŭ vyniku hetyja źviestki zastajucca kanfidencyjalnymi, a rekłamadaŭcy mohuć atrymlivać nieabchodnuju infarmacyju dla tarhietynhu.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich11
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1515
Kamientary