«My pavinny viarnucca da adnaŭleńnia vobrazu BNF, jak partyi jakuju padtrymlivaje nacyjanalnaja elita, za jakoj budučynia», - kaža jon.
U vieraśni maje prajści nastupny źjezd Partyi BNF. Staršynia arhanizacyi Lavon Barščeŭski nieadnarazova zajaŭlaŭ, što sydzie ŭ adstaŭku.
Pieršym, chto zajaviŭ pra hatoŭnaść zaniać kresła staršyni, staŭ namieśnik Barščeŭskaha, 32‑hadovy Alaksiej Janukievič.
«Naša Niva»: Hod tamu ty kazaŭ, što jašče nie vyznačyŭsia, ci budzieš vyłučacca na pasadu staršyni Partyi BNF.
Alaksiej Janukievič: Užo pryniataje kančatkovaje rašeńnie, ja vyłučajusia.
«NN»: I što paŭpłyvała na rašeńnie?
AJA: Situacyja ŭ krainie nastolki imkliva mianiajecca, što isnavać tak, jak Front isnavaŭ apošnija hady, niama nijakaj mahčymaści. Važna pryciahnuć u partyju novych ludziej z novymi idejami.
Prychod novaj asoby, jakaja nie idzie na adkidańnie frontaŭskaj spadčyny, a vystupaje za abnaŭleńnie BNF, budzie dobrym sihnałam hramadstvu.
«NN»: Jakoje miesca ty advodziš BNF unutry hramadstva ŭ cełym i apazicyi ŭ pryvatnaści?
AJA: Pierad kožnaj partyjaj ciapier staić nialohki vybar. Jość šlach pajści na supracoŭnictva z režymam, jak abaznačyŭ heta Laŭkovič; druhi šlach — schavacca z hałavoj pad koŭdru, nie zaŭvažać źmienaŭ u hramadstvie i navokał Biełarusi. Liču, dla BNF abodva hetyja šlachi nieprymalnyja.
Siła BNF u dynamičnaści i zdolnaści adekvatna reahavać na vykliki času.Treba vykarystoŭvać mahčymaści, jakija buduć adkryvacca ŭ źviazku z kryzisam i hulniami ŭładaŭ ź Jeŭropaj, dla ŭmacavańnia Frontu. My pavinny viarnucca da adnaŭleńnia vobrazu BNF, jak partyi jakuju padtrymlivaje nacyjanalnaja elita, za jakoj budučynia. Jak mocnaj partyi, zdolnaj efiektyŭna baranić svaje kaštoŭnaści.
«NN»: Chto tabie bačacca hałoŭnymi chaŭruśnikami BNF?
AJA: Vialikaje dyskusijnaje pytańnie pra stasunki z Rucham za Svabodu i Alaksandram Milinkievičam. Kali navat Paźniak hatovy parazumiecca ź Milinkievičam pa najbolš značnych pytańniach, było b niedarečna, kab heta nie zmoh zrabić BNF.
Milinkievič nie idealny palityk i robić dosyć šmat pamyłak.Ale supraćstajańnie asłablaje BNF, i adkładaje vyrašeńnie važnaj zadačy Frontu — źmieny ciapierašniaha režymu. Taksama BCHD. Z tradycyjnych partnioraŭ — AHP. Inšyja subjekty, jakija vyznajuć blizkija nam kaštoŭnaści.
«NN»: Tvajo vyłučeńnie nielha razhladać jak bunt najmaładziejšaha pakaleńnia?
AJA: Ni ŭ jakim razie. Heta nie revalucyja. Ja b nazvaŭ heta pačatkam novaha etapu raźvićcia.
«NN»: BNF hatovy supracoŭničać z uładami?
AJA: Siońnia ŭłady nie źbirajucca supracoŭničać z apazicyjaj. My pavinny kłapacicca ab tym, kab stać mocnymi. Kab supracoŭnictva adbyvałasia nie pa voli Łukašenki, a praz zapatrabavanaść z boku hramadstva.
«NN»: Nakolki dla ciabie važnaja najaŭnaść frontaŭskaha kandydata na nastupnych prezidenckich vybarach?
AJA: Ciaham niekalkich apošnich hadoŭ ja najbolš paśladoŭna vystupaŭ za abaviazkovaje vyłučeńnie kandydata BNF. Adnak siońnia ŭsio nie tak adnaznačna. Unutranaje abmierkavańnie budzie, i budzie partyjnaje rašeńnie, ja nie chacieŭ by jaho apiaredžvać. Ale, kali partyja vyrašyć padtrymać Milinkieviča, napeŭna, heta budzie samym razumnym varyjantam u siońniašniaj situacyi. Kab adkinuć śpiekulacyi, chaču padkreślić: my nie budziem pracavać na techničnaha kandydata, ale tolki na taho, chto budzie kidać realny vyklik Łukašenku. Heta tyčycca luboha, u tym liku i Milinkieviča. Padtrymku BNF Milinkievič pavinien atrymać tolki ŭ tym vypadku, kali jon budzie realna zmahacca za źmienu palityčnaha režymu, kali nie budzie paźbiahać atakavać Łukašenku.
***
Alaksiej Janukievič naradziŭsia ŭ 1976 hodzie ŭ minskaj Čyžoŭcy. U 1997 skončyŭ fakultet mižnarodnych ekanamičnych adnosinaŭ BDEU pa śpiecyjalnaści ekanamist‑mieniedžer. Namieśnik staršyni Partyi BNF ad 2003.
Ciapier čytajuć
Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»12
Kamientary