Statkievič: Uviečary u mianie pačałasia chutkaja i vostraja alerhičnaja reakcyja. U vypadkovaść nie vieru
Palityk Mikoła Statkievič raskazaŭ pra dziŭny vypadak, jaki zdaryŭsia ź im uviečary 19 śniežnia.
«Pozna viečaram u mianie pačałasia vielmi chutkaja i vostraja alerhičnaja reakcyja. Pačaŭsia aciok dychalnych šlachoŭ. Žonka — urač. Nie marudziła ni chviliny — znajšła ŭ chatniaj aptečcy antyalerhičny preparat dla injekcyj, razłamała kapsułu i dała vypić. Spyniła praces da pryjezdu «chutkaj».
Dziaŭčatki, što pryjechali i zrabili injekcyi — dziakuj im. Ad špitalizacyi ja admoviŭsia.
Nie viedaju, jak da mianie dabralisia, ale ŭ vypadkovaść hetaha incydenta mienavita ŭ taki dzień nie vieru. Raniej takoha sa mnoj nikoli nie zdarałasia. Zvyčajnaje charčovaje atručvańnie vyklučaju — jeŭ za niekalki hadzin pierad hetym i tolki raniej vyprabavanuju mnoj ježu», — napisaŭ jon na Hramada.org.
Statkievič śćviardžaje, što alerhičnaja reakcyja z takimi ž simptomami była niekalki miesiacaŭ tamu va Uładzimira Niaklajeva «paśla vizita adnaho nibyta biełaruskaha emihranta».
Kamientary