Ministr Raŭkoŭ: Vyjezd za miažu zabaroniać i tym, chto nie paviedamiŭ pra novy adras i kamu nie ŭručyli pozvu
Deputaty ŭ parłamiencie abmierkavali zakonaprajekt «Ab źmianieńni zakonaŭ efiektyŭnaha funkcyjanavańnia vajennaj arhanizacyi dziaržavy», jaki ŭ narodzie nazvali «zakonam ab adterminoŭcy» i pryniali jaho ŭ pieršym čytańni, piša Tut.by.
Zakonaprajekt u parłamiencie pradstaŭlaŭ ministr abarony Andrej Raŭkoŭ. Jon paskardziŭsia na źnižeńnie kolkaści pryzyŭnych resursaŭ u suviazi z demahrafičnaj situacyjaj u krainie, paharšeńnie zdaroŭja junakoŭ, a taksama vialikuju kolkaść adterminovak, jakija dziejničajuć.
— Va ŭmovach dastatkovaści pryzyŭnych resursaŭ Ministerstva abarony zaŭsiody išło nasustrač prapanovam ab pradastaŭleńni adterminovak tym ci inšym katehoryjam hramadzian. Ciapier ža nastaŭ čas padtrymać prapanovu siłavych struktur, bo heta naŭprost źviazana ź biaśpiekaj krainy.
Siońnia 76 katehoryj hramadzian nie pryzyvajucca na słužbu, heta, pa słovach, Raŭkova, bolš čym u inšych krainach.
Andrej Raŭkoŭ raspavioŭ, što «ŭ suchoj rešcie» chavajecca ad pryzyvu da 27 hadoŭ pryblizna 4 tysiačy čałaviek na kožny pryzyŭ.
- Jak jany mohuć pracavać efiektyŭna ŭ intaresach dziaržavy, kali naŭmysna ŭ intaresach hetaj dziaržavy nia vykanana voinski abaviazak? - zadaŭ pytańnie Raŭkoŭ.
Važnaje tłumačeńnie ad ministra: časova abmiažoŭvać prava na vyjezd z krainy buduć nie tolki tym vypusknikam, jakija nie źjaŭlajucca pa poźvie ŭ vajenkamat, ale i parušajuć abaviazki pa voinskim ŭliku, nie paviedamlajučy ŭ vajenkamat źviestki ab źmienie miesca žycharstva ci svajho znachodžańnia ŭ suviazi z čym stanovicca niemahčymym ich apaviaščeńnia ŭ termin u chodzie pryzyvu.
Pa sutnaści, ministr abvierhnuŭ słovy deputata Ihara Martynava, jaki da pačatku pasiadžeńnia ŭ parłamiencie śćviardžaŭ, što zabaranić vyjezd mohuć tolki pry ŭručeńni paviestki asabista na ruki.
Za zakonaprajekt ab adterminoŭcy prahałasavała 87 deputataŭ, suprać 6, nie hałasavali — 7. Dakumient pryniaty ŭ pieršym čytańni, płanujecca, što ŭ piatnicu, jaho prymuć u druhim čytańni.
Ciapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary