У Кітаі больш за 40 чалавек спалілі сябе, абараняючы дамы ад зносу
Супраціўляючыся высяленню з уласных дамоў, кітайскія сяляне ідуць на самыя крайнія меры.
Новыя факты прыводзіць «Незалежная газета». Выданне спасылаецца на дадзеныя міжнароднай праваабарончай арганізацыі Amnesty International, у адпаведнасці з якімі ў Кітаі зафіксаваны ужо 41 выпадак, калі сяляне падпальваюць сябе на знак пратэсту супраць высялення.
Дзеля стымулявання эканамічнага росту на фоне сусветнага фінансавага крызісу Пекін выдзеліў вялікія сродкі на будаўніцтва жылля, пракладку дарог і іншыя інфраструктурныя праекты, якія рэалізуюць прыватныя фірмы, нанятыя мясцовымі муніцыпалітэтамі. У выніку апошнія залезлі ў пазыкі. Каб іх пакрыць, чыноўнікі сілай высяляюць сялян і ўладальнікаў гарадскіх дамоў.
Продаж вызваленых участкаў папаўняе мясцовую казну і дазваляе кадравым партыйным і дзяржаўным работнікам рапартаваць начальству пра паспяховае выкананне планаў.
Але выселеныя аказваюць адчайны супраціў і нярэдка гатовыя прыняць пакутлівую смерць, абараняючы свае правы, падкрэсліваецца ў дакладзе Amnesty International. Напрыклад, у правінцыі Ляанін у верасні
У інтэрв’ю газеце намеснік дырэктара Інстытута краін Азіі і Афрыкі МДУ Андрэй Карнееў адзначае, што рост колькасці канфліктаў праз зямлю — гэта перш за ўсё вынік імклівай урбанізацыі Кітая. «Сельскагаспадарчыя ўгоддзі скарачаюцца, на іх месцы ўзводзяцца фабрыкі, вілы для багатых, аўтастрады. Але рэч у тым, што дакладных правілаў ацэнкі кошту зямлі не існуе», — адзначыў ён.
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары