Прафсаюзны актывіст быў у шортах.
Кіраўнік суполкі Беларускага незалежнага прафсаюза на "Граніце" ў Мікашэвічах Алег Стахаевіч не патрапіў на пасяджэнне Лунінецкага суда па ўласнаму ж пазову.
Як распавёў спадар Стахаевіч, міліцыянт не пусьціў яго ў суд, патлумачыўшы гэта тым, што Стахаевіч быў у шортах: «Міліцыянт Віталь Хамяней сустрэў на ганку ў судзе, і сказаў, што не пусціць мяне, бо я ў шортах. А я яму кажу, маўляў, ну і што, што ў шортах? Кажу, што дзяўчат у міні-спадніцах жа прапускаеце... А ён мне кажа, што ў яго вуснае распараджэнне суддзі Дзенісовіча не пускаць».
У суд Стахаевіч прыехаў па ўласнаму пазову да прадпрыемства «Граніт» пра спагнанне кампенсацыі за пратэрміноўку разліку пры звальненні.
Стахаевічу так і не ўдалося патрапіць на пасяджэнне. Замест гэтага ён паехаў у пракуратуру, дзе напісаў заяву з просьбай разабрацца, ці законна яго не пусцілі ў суд.
Як рыхтаваўся візіт Ціханоўскай у Кіеў і чаму ён некалькі разоў пераносіўся12
Каментары