12 беларусаў, якія пацярпелі ў ДТЗ у Херсонскай вобласці Украіны, працягваюць заставацца ў бальніцах на тэрыторыі гэтай краіны.
Як паведаміў прэс-сакратар МНС Беларусі Віталь Навіцкі, чацвёра знаходзяцца ў Каланчакскай цэнтральнай раённай бальніцы, чацвёра (у тым ліку дзіця) — у Херсонскай абласной бальніцы, двое — у цэнтральнай раённай бальніцы Краснаперакопска, адзін — у цэнтральнай рэспубліканскай бальніцы і яшчэ адно дзіця — у дзіцячай рэспубліканскай клінічнай бальніцы Сімферопаля.
Разам з тым, паводле даных прэс-службы ўкраінскага Мініністэрства аховы здароўя, у бальніцах працягваюць заставацца 13 грамадзян Беларусі.
Паводле слоў Навіцкага, вечарам 22 ліпеня аўтобус з 33 пасажырамі, якія трапілі ў ДТЗ, накіраваўся з Каланчака ў бок беларускай мяжы ў пункт пропуску «Новая Гута». Раніцай 23 ліпеня аўтобус прыбыў на мяжу, дзе двух пацярпелых забралі сваякі. Астатніх перасадзілі на беларускі аўтобус, і цяпер у суправаджэнні медыкаў і псіхолагаў МНС іх вязуць да месца жыхарства. Сярод пацярпелых у ДТЗ жыхары Мінска, Бабруйска, Ліды, Баранавічаў, Оршы, Сянно і іншых населеных пунктаў, адзначыў Навіцкі.
***
Нагадаем, аварыя адбылася апоўначы 21 ліпеня на 105-м кіламетры аўтадарогі Херсон — Джанкой — Феадосія — Керч каля пасёлка Каланчак. Вадзіцель грузавога «Форд Транзіта» з прычэпам пры ажыццяўленні абгону выехаў на паласу сустрэчнага руху, дзе сутыкнуўся з турыстычным аўтобусам «Сетра». У выніку аўтобус выкінула на сустрэчную паласу, у яго ўрэзаўся яшчэ адзін «Форд Транзіт», і пасля гэтага «Сетра» перакулілася на левы бок.
У выніку ДТЗ пацярпелі кіроўцы абодвух «Фордаў» і пасажырка аднаго з іх, а таксама 28 пасажыраў аўтобуса, сярод якіх 25 грамадзян Беларусі і трое грамадзян Расіі. Сярод пацярпелых турыстаў — шасцёра дзяцей. Усяго ў «Сетры» знаходзіліся 46 пасажыраў і два кіроўцы.
Аўтобус ехаў па маршруце Еўпаторыя — Мінск.
Па факце ДТЗ распачата крымінальная справа, праводзіцца расследаванне.
Цяпер чытаюць
Сталі вядомыя падрабязнасці пра трагедыю ў Полацкім манастыры9
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары