Расіяне забраніравалі ўвесь гатэль у Мірскім замку з Новага года аж да 10 студзеня
На Новы год адпачыць у замку не ўдасца.
«Сустрэча Новага года ў старажытным замку Еўропы!». Такія аб'явы часта трапляюцца на сайтах беларускіх турфірмаў. За 350—400 еўра можна адправіцца ў вандроўку па Польшчы, Літве ці Чэхіі. А што з адпачынкам у Беларусі?
У Мірскім замку, як вядома, працуе гасцініца на 35 месцаў.
Аднак зняць нумар аказалася ўжо немагчыма.
«Усе месцы да 10 студзеня забраніравалі расіяне яшчэ ў верасні, — удакладнілі ў замку. — Для іх распрацавана адмысловая праграма».
Спаслаўшыся на камерцыйную таямніцу, у замку вырашылі не казаць, колькі трэба заплаціць за нумар у гатэлі на навагоднія святы.
У звычайныя дні двухпакаёвы люкс каштуе 600 тысяч, нумар «камфорт» — 450 тысяч рублёў.
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна6
Каментары