У Мінску пройдуць спаборніцтвы па экстрэмальных відах спорту і сучасных танцах
1–3 красавіка ў Мінску ў Лядовым палацы спорту пройдуць спаборніцтвы па экстрэмальных відах спорту і сучасных танцах «Чел’z Extreme Games Belarus».
Арганізатары мерапрыемства — ТМ «Чел’z» і ГА «Беларуская федэрацыя экстрэмальных відаў спорту» пры падтрымцы камітэта па адукацыі Мінгарвыканкама.
Як паведамілі ў аргкамітэце, мерапрыемства праводзіцца для прыцягнення моладзі да заняткаў спортам, а таксама развіцця і папулярызацыі экстрэмальных відаў спорту і сучасных танцаў.
У 2010 годзе ў мерапрыемстве бралі ўдзел 3,5 тыс. чалавек з Беларусі, Расіі, Літвы, Латвіі, Эстоніі, Украіны, Польшчы, Малдовы. Сёлета больш як 4 тыс. удзельнікаў будуць паказваць сваё майстэрства адначасова на трох спецыяльна абсталяваных пляцоўках.
На працягу трох дзён адбудуцца адкрыты Кубак Беларусі па сучасных танцах; чэмпіянат Беларусі па чэрлідынгу; спаборніцтвы па скейтбордынгу Destroyer skateboard challenge 2011; адкрыты чэмпіянат па фрыране Freerun Challenge 2011. А таксама фестываль графіці Graffiti evolution.
«Наша кампанія ўжо тры гады падтрымлівае мерапрыемства. Гэта наш унёсак у вырашэнне адной з найважнейшых задач, якую ставіць перад сабой наша кампанія, — далучэнне моладзі Беларусі да спорту і прапаганда здаровага ладу жыцця», — зазначыў дырэктар
Новаўвядзеннем мерапрыемства будзе міжнародны чэмпіянат па фрыране.
У судзейскую калегію ўвойдуць прызнаныя майстры па сучасных танцах і экстрэмальных відах спорту з ЗША, Канады, Францыі, Японіі, Італіі, Нарвегіі, Славеніі, Англіі, Польшчы і Расіі.
«Наш праект толькі тры гады таму пашырыўся з простага чэмпіянату па сучасных танцах да фармату экстрэмальных гульняў. Варта зазначыць, што ўжо бачныя значныя поспехі, як у арганізацыі самога мерапрыемства, гэтак і ў прафесійным узроўні ўдзельнікаў. Дзякуючы падтрымцы камітэта па адукацыі Мінгарвыканкама наша мерапрыемства пройдзе ў запланаваныя даты і на высокім узроўні. Павелічэнне колькасці ўдзельнікаў і яўны рост іх прафесійнага майстэрства, на мой погляд, яўны паказчык таго, што мы на правільным шляху да дасягнення пастаўленых мэтаў і задач», — пракаментаваў дырэктар Беларускай федэрацыі экстрэмальных відаў спорту Алег Язвін.
Каментары