Савет дырэктараў нафтагазавай кампаніі (НГК) «Слаўнафта», якая займае сёмае месца ў Расіі па аб’ёмах здабычы нафты, прыняў рашэнне закрыць прадстаўніцтва ў Мінску.
Як паведаміла дырэктар дэпартамента ААТ «Слаўнафта» па сувязях з органамі дзяржаўнай улады Марыя Грыднева, беларускае прадстаўніцтва закрываецца «ў межах аптымізацыі дзейнасці кампаніі».
Рашэнне савета дырэктараў увайшло ў сілу 14 лютага. Прэзідэнту НГК «Слаўнафта» Юрыю Суханаву даручана забяспечыць неабходныя мерапрыемствы па закрыцці прадстаўніцтва ў парадку, прадугледжаным заканадаўствам РФ і Беларусі, і праінфармаваць аб гэтым адпаведныя дзяржаўныя органы, паведаміла Грыднева.
Беларускае прадстаўніцтва «Слаўнафты» было адкрыта ў кастрычніку 2006 года. У Беларусі «Слаўнафта» сумесна з урадам кіруе Мазырскім нафтаперапрацоўчым заводам. Доля «Слаўнафты» ў статутным капітале НПЗ складае 42,58%, урада Беларусі — 42,76%.
***
Сумеснае ААТ «Нафтагазавая кампанія «Слаўнафта» заснавана ў жніўні 1994 года згодна з пастановай урада РФ і распараджэннем Савета міністраў Беларусі. Асноўнымі заснавальнікамі кампаніі выступілі Дзяржкаммаёмасць Расіі з першапачатковай доляй у статутным капітале кампаніі 86,3% і Міндзяржмаёмасць Беларусі (зараз — Дзяржкаммаёмасць) з доляй 7,2%.
Сёння «Слаўнафта» ўваходзіць у дзясятку найбуйнейшых нафтавых кампаній Расіі. Валодае ліцэнзіямі на геалагічнае вывучэнне нетраў і здабычу нафты і газу на 37 ліцэнзійных участках на тэрыторыі Заходняй Сібіры і Краснаярскага краю.
Цяпер чытаюць
Сталі вядомыя падрабязнасці пра трагедыю ў Полацкім манастыры15
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары