Прэзідэнт Казахстана Нурсултан Назарбаеў будзе балатавацца на новы прэзідэнцкі тэрмін у 2012 годзе, заявіў дарадца кіраўніка дзяржавы па палітычных пытаннях Ермухамет Ертысбаеў.
«Трэцяга верасня я сустракаўся з прэзідэнтам краіны, адбылася грунтоўная размова. Прэзідэнт Рэспублікі Казахстан і лідар нацыі Нурсултан Назарбаеў мае намер выставіць сваю кандыдатуру на прэзідэнцкіх выбарах 2012 года», — сказаў Ертысбаеў.
Дарадца нагадаў, што
Назарбаеў, згодна з папраўкамі, унесенымі ў 2007 у Канстытуцыю, мае права неабмежаваную колькасць разоў выстаўляць сваю кандыдатуру на выбарах.
Ертысбаеў абверг чуткі аб тым, што замест прэзідэнцкіх выбараў у 2012 улады Казахстана правядуць рэферэндум.
«Выбары будуць, таму што ніхто не можа ігнараваць Асноўны закон — Канстытуцыю.
Ніякага рэферэндуму па падаўжэнні паўнамоцтваў або па пажыццёвых паўнамоцтвах не будзе.Гэта ўсё чуткі», — запэўніў Ертысбаеў.
Цяпер тэрмін прэзідэнцкіх паўнамоцтваў у Казахстане складае сем гадоў, з 2012 ён будзе абмежаваны пяццю гадамі.
Сямідзесяцігадовы Назарбаеў з’яўляецца прэзідэнтам Казахстана з красавіка 1990 года.
-
«Арменія — гэта ўжо не абрабаваная вамі і вашымі партнёрамі краіна». Пашынян рашуча адказаў Лукашэнку
-
У праваслаўнай парафіі на поўдні Польшчы царкоўная ўрачыстасць ператварылася ва ўслаўленне Расіі. З пратэстам выступілі лемкі
-
Трамп заявіў, што з Іранам яго задаволіць толькі «ідэальная здзелка». А проста добрую ён мог бы заключыць проста зараз
Як рыхтаваўся візіт Ціханоўскай у Кіеў і чаму ён некалькі разоў пераносіўся12
Каментары