«Вельмі цяжкая фінансавая нагрузка». Беларуская чыгунка атрымае адтэрміноўкі па крэдытах
Аляксандр Лукашэнка падтрымаў прапанову, якая прадугледжвае аказанне дзяржаўнай падтрымкі Беларускай чыгунцы. Пра гэта расказаў журналістам начальнік БЧ Валерый Вярэніч, піша БелТА.
Валерый Вярэніч патлумачыў, што БЧ не прасіла выдзялення новых сродкаў. Ідзе гаворка пра падаўжэнне тэрміну пагашэння па раней узятых крэдытах. «Ёсць пэўная сума, якую трэба аддаць за 5 гадоў. Гэта для нас вельмі цяжкая фінансавая нагрузка», — дадаў ён. Справа ў тым, што зараз перавозачная дзейнасць БЧ прыносіць прыбытак, але яго недастаткова для таго, каб закрыць усе абавязацельствы па крэдытах, якія браліся да гэтага. «Мы папрасілі падсунуць тэрміны яшчэ на 5 гадоў — да 2035 года», — распавёў Валерый Вярэніч.
Адпаведна зменшыцца фінансавая нагрузка па вяртанні крэдытаў, а вызваленыя cродкі можна будзе ўкласці ў рамонт, інфраструктуру, развіццё. Крэдыты раней браліся на куплю рухомага складу, электрыфікацыю — рэалізацыю вялікіх інфраструктурных праектаў. «Укладваючы сродкі ў вытворчасць, мы разумеем, што далей можам зарабіць», — падкрэсліў начальнік БЧ.
Лукашэнка: Раман Пратасевіч — даўні супрацоўнік беларускай разведкі59
Каментары