Выпускнік гімназіі №1 горада Барысава Мацвей Клюня паказаў выдатны вынік падчас уступнай кампаніі — набраў максімальныя 400 балаў са 400 магчымых. Ён атрымаў па 100 балаў на цэнтралізаваным тэсціраванні па матэматыцы, рускай мове і фізіцы, а таксама меў сярэдні бал атэстата — 10, піша раённая газета «Адзінства».
Мацвей прызнаўся, што сам не чакаў такога выніку, хоць і быў упэўнены ў сваёй падрыхтоўцы. Ён адзначыў, што галоўнае — не дапусціць тэхнічных памылак пры запаўненні бланкаў, бо самі заданні былі для яго простыя.
Сваім равеснікам ён раіць загадзя вызначацца з прадметамі для здачы — яшчэ ў 9—10 класах, каб мець час на якасную падрыхтоўку і не спяшацца ў апошні момант. Ён таксама не рэкамендуе прымаць заспакаяльныя перад экзаменамі: на яго думку, лёгкі стрэс нават дапамагае працаваць мозгу.
Асобна Матвей выказаў удзячнасць сваім настаўнікам па тых прадметах, па якіх здаваў ЦТ.
Пра тое, куды цяпер будзе паступаць, хлопец ці не стаў гаварыць, ці ў яго не пыталіся.
Цяпер чытаюць
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары