На Мядзельшчыне псіхічна хворы малады чалавек забіў двух пенсіянерак і пакалечыў трэцюю
Пракуратура Мядзельскага раёна праводзіць праверку па факце забойства і нанясення цялесных пашкоджанняў жанчынам у вёсцы Лотва.
Як паведамілі ў аддзяленні інфармацыі і грамадскіх сувязей УУС Мінскага аблвыканкама, прыкладна ў 21.00 4 красавіка п’яны 29‑гадовы непрацуючы жыхар вёскі Ражкі, які знаходзіцца на ўліку ва ўрача‑псіхіятра, разбіўшы шыбу, трапіў у дом 77‑гадовай жанчыны. У гэты час у яе ў гасцях знаходзіліся дзве пенсіянеркі. Малады чалавек збіў іх металічнымі прутамі і драўляным кіем.
Ад атрыманых траўмаў 60‑гадовая госця памерла на месцы, гаспадыня дома сканала а першай гадзіне ночы ў Мядзельскай раённай бальніцы. Трэцяя ахвяра, 75‑гадовая жанчына, знаходзіцца ў лячэбнай установе з закрытай чэрапна‑мазгавой траўмай і пераломам правай рукі.
Матывы злачынства высвятляюцца, крымінальная справа пакуль не распачата.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося2
Каментары