Юры Дземідовіч заняў 9-е месца з 13-ці, набраўшы 48 балаў. Конкурс выйграў выканаўца з Нідэрландаў Ральф Макенбах.
На міжнародным дзіцячым конкурсе песні «Еўрабачанне», які прайшоў 21 лістапада ў Кіеве, перамог выканаўца з Нідэрландаў Ральф Макенбах. Прадстаўнік Беларусі Юры Дземідовіч, што выконваў песню «Чароўны трусік», заняў 9-е месца з 13-ці, набраўшы 48 балаў.
Ніводная з краін удзельніц не паставіла беларуса на першае месца (12 балаў) – 12 балаў бонусам кожнаму з удзельнікаў былі падараваныя дырэктарам конкурсу, ні на 2-е.
Максімальную колькасць балаў Дземідовічу паставіла Украіна (7 балаў),
па 6 — Македонія і Расія, 5 — Грузія, 4 — Бельгія, 3 — Нідэрланды і Сербія, па 1 — ад Арменія і Кіпр.
Беларускія гледачы і журы аддалі 12 балаў Расіі, 10 — Украіне, 8 — Арменіі, 7 — Нідэрландам.
Раней канкурсанты з Беларусі двойчы станавіліся пераможцамі дзіцячага «Еўрабачанне».
На конкурсе 2007 года першае месца заваяваў мінскі школьнік Аляксей Жыгалковіч, на «Еўрабачанні -- 2005» — Ксенія Сітнік з Мазыра. У 2006 г Андрэй Кунец заняў другое месца, летась дзявочае трыо ў складзе Дар'і Надзінай, Аліны Молаш і Карыны Жуковіч заняло шостае месца.
Інтрыга ж, хто стане пераможцам у 2009 г., захоўвалася да канца.
Перад абвяшчэннем вынікаў галасавання ў апошняй краіне, першую прыступку ў рэйтынгу дзялілі Арменія і Бельгія. А ў выніку перамагла Галандыя. Яе прадстаўнік Ральф Макенбах набраў 121 бал. Другое і трэцяе месцы падзялілі паміж сабой прадстаўніцы Расіі Кацярына Рабава і Арменіі Лаура Айрапецян, атрымаўшы па 116 балаў.
Агульныя вынікі галасавання выглядаюць наступным чынам:
1. Галандыя — 121
2,3. Расія, Арменія — 116
4. Бельгія — 113
5. Украіна — 89
6,7. Швецыя, Грузія — 68
8. Мальта — 55
9. Беларусь — 48
10. Сербія — 34
11. Кіпр — 32
12. Македонія — 31
13. Румынія —19
Дзіцячае «Еўрабачанне-2010» пройдзе 20 лістапада ў Мінску.
Цяпер чытаюць
З чорнага спісу артыстаў прыбралі тры гурты. Дазволілі нават «Кіно»4
З чорнага спісу артыстаў прыбралі тры гурты. Дазволілі нават «Кіно»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары