МАК хоча, каб у Алімпійскіх гульнях удзельнічалі атлеты з усіх краін — СМІ
Міжнародны алімпійскі камітэт у сакавіку гэтага года часткова зняў санкцыі з расійскіх і беларускіх спартоўцаў, але да некаторых турніраў яны могуць быць дапушчаныя ў нейтральным статусе.
Спартсмены ўсіх краін павінны быць дапушчаныя да міжнародных спаборніцтваў, у тым ліку да Алімпійскіх гульняў, заявіў прэзідэнт МАК Томас Бах. Пра гэта піша расійскі «Спутнік» са спасылкай на балгарскае выданне «Бліц спорт».
Ён нагадаў, што ў сакавіку гэтага года Камітэт даў рэкамендацыі міжнародным федэрацыям дапускаць да спаборніцтваў расійскіх і беларускіх атлетаў, якія раней знаходзіліся пад санкцыямі праз вайну ва Украіне.
Пры гэтым спартсмены будуць спаборнічаць у нейтральным статусе, а ўдзельнічаць у турнірах могуць толькі тыя, хто не падтрымлівае вайну.
«Рэкамендацыя МАК заключаецца ў тым, што спартсмены ўсіх краін павінны быць дапушчаныя да ўдзелу ў кваліфікацыйных спаборніцтвах, якія ўжо праходзяць. Спадзяюся, што большая колькасць федэрацый будзе выконваць нашы рэкамендацыі», — сказаў Бах.
Міжнародны алімпійскі камітэт працуе, каб вярнуць беларусаў і расіян на міжнародныя спаборніцтвы, нягледзячы на рэакцыю
«Абставіны не дазваляюць прыняць іншае рашэнне». Германія адмовілася прымаць спаборніцтвы з-за допуску да іх расіянак і беларусак
Лукашэнка хоча, каб беларускіх алімпійцаў дапусцілі пад нейтральным сцягам
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма19
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары