У Пінску маладым спецыялістам-праграмістам прапанавалі заробак 255 рублёў
У рэдакцыю «Медыя-Палесся» звярнулася пінчанка з просьбай апублікаваць, за якія заробкі адпраўляюць працаваць маладых спецыялістаў Пінскага каледжа тэхнікі і тэхналогій.
Як распавяла жанчына, яе сын паступіў у каледж пасля заканчэння 9-га класа. Першыя тры гады — атрыманне агульнай сярэдняй адукацыі, яшчэ 2,5 года — навучанне спецыяльнасці. Сын вучыўся бясплатна, і ў гэтым годзе ў яго размеркаванне.
У каледжы прапанавалі некалькі варыянтаў працаўладкавання.
Дзеля справядлівасці варта адзначыць, што жыллё (пакой або месца ў інтэрнаце) даецца практычна ва ўсіх варыянтах. А вось зарплата паказаная не ўсюды.
Так, ёсць варыянты з адносна прыстойнай зарплатай. Напрыклад, у аграгарадку Ржаўка ў Магілёўскай вобласці тэхніку-праграмісту абяцаюць 500 рублёў. На 100 рублёў большая зарплата ў аператара ЭВМ у Жыдчы. Тэхніку-праграмісту ў Сінкевічах Лунінецкага раёна за месяц заплацяць 700 рублёў.
Але ў двух выпадках зарплату цяжка апісаць цэнзурнымі словамі.
Ацаніце самі: маладому спецыялісту прапануюць папрацаваць два гады ў Бераставіцкай райбальніцы тэхнікам-праграмістам за заробак 255,31 рубля на месяц. Або інжынерам-праграмістам у Лельчыцкім каледжы — за 256,52 рубля.
Каб атрымаць свабоднае размеркаванне, трэба кампенсаваць выдаткі за навучанне. А гэта за першую прыступку — 6765 рублёў, за другую — 9530 рублёў. Агулам каля 16295 рублёў. Гэтыя сумы былі на момант паступлення ў каледж. І, хутчэй за ўсё, іх яшчэ праіндэксуюць.
«Першае працоўнае месца, вядома ж, выдатна, але не з месячнай зарплатай у 255 рублёў. Такую зарплату лічу неадэкватнай», — рэзюмавала пінчанка.
Цяпер чытаюць
Сталі вядомыя падрабязнасці пра трагедыю ў Полацкім манастыры13
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Не зря качанова хочет, всех, принудительно, распределять после учёбы, платник ты или бесплатник, всех под неимеющую границ заботу государства с зарплатой 250 руб и желательно на 5 лет такой заботы и зарплаты.
Интересно, шпиц Умка проживёт месяц на 250 р?