Жанчына замаскіравалася і скрала елку з чужога пад'езда. Яе прыгоды трапілі на ВІДЭА
Дзіўнае знікненне навагодняй ялінкі, якая ўпрыгожвала першы паверх і стварала святочны настрой, зафіксавана ў доме №56 па вуліцы Адзінцова ў Мінску. Аднак здарэнне трапіла на відэакамеру ў пад'ездзе, піша «Анлайнер».
Усё адбылося сёння ноччу, прыкладна а палове на дванаццатую. Дзякуючы адразу некалькім камер відэаназірання можна адсачыць ўвесь шлях пары, датычнай да знікнення ялінкі. Так, мужчына і жанчына зайшлі ў ліфт на трэцім паверсе — верагодна, былі ў кагосьці ў гасцях і засядзеліся дапазна. Перад тым як пакінуць кабіну ўжо на першым паверсе, жанчына нацягнула шалік на твар — бачныя засталіся толькі вочы. Падобна на тое, рыхтавалася — ці то да выхаду на марозную вуліцу, ці то да «елачнай справы».
Затым пара падзялілася: мужчына пайшоў да ўваходных дзвярэй, а жанчына засяродзіла ўсю ўвагу на ялінцы. Спачатку яна доўга спрабавала адчыніць скрыню, ад якой засілкаваная гірлянда. Потым, калі зрабіць гэта не атрымалася, проста вырвала гірлянду, схапіла елку за ствол і сышла. Характэрна, што падчас працэсу мінчанка паглядзела проста ў камеру, але гэта яе не спыніла — толькі лепей паправіла шалік.
Апошнія кадры, на якіх жыхары яшчэ маглі ўбачыць сваю ялінку, зробленыя на вуліцы — пара выносіць трафей у невядомым кірунку.
— Гэтая елка стаяла ў нас тыдні два на першым паверсе каля ліфта. Яна была агульная: хтосьці кінуў кліч у чаце, і людзі сталі прыносіць цацкі, каб стварыць для саміх сябе святочны настрой. Аднак вось што атрымалася. Проста зараз у чаце вырашаецца, ці варта ісці старшыні ў міліцыю, каб напісаць заяву на гэтую парачку — твары добра бачныя і знайсці іх не стане праблемай, — распавядае Дзмітрый, які, як і астатнія жыхары, абураны тым, што адбылося.
Аднак жыхары могуць змяніць гнеў на міласць, калі пара (магчыма, навагодняя атмасфера закружыла галаву і людзі зрабілі так, як не рабілі ніколі) верне ўсё на сваё месца.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў7
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Кінь у яе каменем першы той, хто без граху...
с новым годом, товарищи
"-ты хочешь себе в качестве сувенира?
-просто, чтоб было"
клас!)