«Аб'яднаў выяву Лукашэнкі і свастыку». Вынеслі прысуд жыхару Баранавіч Андрэю Каспаровічу
У судзе Баранавіцкага раёна і Баранавіч 11 лістапада завяршыўся разгляд крымінальнай справы ў дачыненні да мясцовага жыхара Андрэя Каспаровіча, які абвінавачваўся ў абразе Лукашэнкі (ч. 1 арт. 368 Крымінальнага кодэкса) і здзеку з дзяржаўных сімвалаў (арт. 370 Крымінальнага кодэкса), піша «Вясна».
Андрэя Каспаровіча затрымалі 28 верасня 2022 года. Па матэрыялах абвінавачвання, ён 22 студзеня 2021 года пасля прагляду ў сацыяльнай сетцы «Аднакласнікі» публікацыі з выявай Лукашэнкі ў вайсковым мундзіры на пярэднім плане і выявай свастыкі — на заднім, размясціў гэты малюнак на сваёй адкрытай старонцы. Таксама ён пакінуў запіс, што «ўлада карыстаецца нацысцкай ідэалогіяй, і наша краіна не з'яўляецца дэмакратычнай».
Таксама ён нібыта наўмысна размясціў на сваёй старонцы выяву дзяржаўнага сцяга Беларусі ў цэнтры свастыкі, выкананай у форме крыжа, што кваліфікавалі як здзек са сцяга.
Сваю віну ў судзе Каспаровіч цалкам прызнаў і публічна прынёс Лукашэнку прабачэнні.
У выніку суд прызнаў яго вінаватым і па адным артыкуле, і па другім, і прызначыў пакаранне ў выглядзе абмежавання волі на тэрмін два гады з накіраваннем у выпраўленчую ўстанову адкрытага тыпу.
Справу разглядаў суддзя Мікалай Кміта, дзяржабвінаваўцам быў старшы памочнік пракурора Аляксандр Ярашэвіч.
Чаму YouTube выдаліў каналы БелТА, СТБ і АНТ? Вось што вядома4
Каментары