У сёмым пакеце санкцый ЕС не будзе забароны на пастаўкі расійскага газу
Пра тое, што новы пакет санкцый не будзе ўтрымліваць забароны на пастаўкі расійскага газу, заявіў агенцтву Reuters прэм'ер-міністр Чэхіі Пётр Фіяла. Паводле ягоных слоў, гэта звязана з тым, што шэраг краін залежыць ад расійскага газу.
Пётр Фіяла
«Што адназначна праблематычна — гэта ўключаць энергетыку ў гэтыя санкцыі, бо павінна выконвацца правіла аб тым, каб санкцыі аказвалі больш сур'ёзны эфект на Расію, чым на краіны, якія ўводзяць санкцыі», — сказаў чэшскі прэм'ер.
Па ягоных словах, у сёмы пакет будуць уключаныя:
- забарона на імпарт расійскага золата;
- больш шырокі пералік тавараў падвоенага прызначэння, якія забароненыя да ўвозу ў Расію;
- персанальныя санкцыі.
Фіяла растлумачыў, што Еўракамісія рыхтуецца прадставіць чарговы санкцыйны пакет у найбліжэйшыя дні. Дзяржавы-члены ЕС могуць ухваліць яго адразу пасля гэтага.
Цяпер чытаюць
Памятаеце Данілу з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў і з чаго ўсё пачалося
Каментары