На мужчыну ўзбудзілі крымінальную справу за фотаздымак у нацысцкай форме. Фота было зробленае падчас здымак мастацкага фільма
54-гадовага жыхара Рэчыцы Уладзіміра Прадкіна вінавацяць па арт. 130 КК РБ (распальванне расавай, нацыянальнай, рэлігійнай альбо іншай сацыяльнай варожасці), паведамляюць праваабронцы.
Па версіі следства, Прадкін размясціў на старонцы ў «ВК» фотаздымак сябе ў форме нямецкага афіцэра, які быў зроблены падчас здымак мастацкага фільма ў Расіі, пад Масквой.
Апроч гэтага, мужчыне паставілі ў віну размяшчэнне ў «ВК» кнігі з мемуарамі нацысцкага генерала і каментарыі ў «Аднакласніках», дзе мужчына нібыта хваліць Гітлера.
Прадкіна затрымалі супрацоўнікі Гомельскага ГУБАЗіК 9 снежня, калі ён выходзіў са свайго падворка, правялі ў яго хаце ператрус, забралі тэлефон і ноўтбук.
Уладзіміра Прадкіна змясцілі на тры дні ў ІЧУ (Ізалятар часовага ўтрымання), а потым адпусцілі пад падпіску аб нявыездзе і належных паводзінах.
«Лічу, што гэта міліцэйскае самавольства, — каментуе Уладзімір Прадкін. — Гэта сапраўднае беззаконне. Калі чалавек не можа выказаць сваё меркаванне публічна — гэта нейкае варварства. Па адчуваннях, у Беларусі наступіў 1937 год».
Прадкін тлумачыць, што каля 10 год таму ён падпрацоўваў у Расіі на здымках мастацкіх, гістарычных фільмаў і рабіў там фотаздымкі.
Наконт мемуараў нямецкага генерала, якія ён выклаў у сацсеткі, мужчына тлумачыць, што ён цікавіцца гісторыяй і яму было цікава, як нацысты рабілі свае злачынствы і чым апраўдваліся.
На сайце Міністэрства юстыцыі, дзе змешчаны пералік усіх матэрыялаў, якія прызнаныя экстрэмісцкімі і забароненымі для захоўвання і распаўсюджвання, тых мемуараў нямецкага генерала няма.
Прадкін адмовіўся ад дзяржаўнага адваката і мае намер бараніць сябе сам.
«Я нічога сур’ёзнага ў гэтых абвінавачаннях не бачу, — кажа Уладзімір. — Яны на такіх гнілых падпорках, што адвакат залішні. Суд ва ўсім разбярэцца».
Санкцыі арт. 130 КК РБ, па якім вінавацяць Уладзіміра Прадкіна, прадугледжваюць штраф, арышт, абмежаванне і пазбаўленне волі тэрмінам да 5 год.
Беларускі гісторык: «Закон «Аб генацыдзе беларускага народа» — гэта чыста рэпрэсіўны закон»
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым8
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары