Стваральнікі «Спутніка» сцвярджаюць, што зрабілі мадыфікацыю пад «амікрон»
Нацыянальны расійскі даследчы цэнтр эпідэміялогіі і мікрабіялогіі імя Гамалеі сцвярджае, што ўжо распрацаваў мадыфікацыю вакцыны «Спутнік V» супраць амікрон-штама каранавіруса, яна праходзіць першы этап клінічных выпрабаванняў.
Пра гэта ў аўторак заявіў дырэктар цэнтра Аляксандр Гінцбург у эфіры тэлеканала «Расія-24», піша ТАСС.
«[Пакуль] няма ніякіх доказаў таго, < … > што «амікрон» выцесніць дэльта-штам. [У гэтым выпадку], магчыма, вакцына павінна быць двухкампанентнай, якая павінна будзе абараняць ад і дэльта-штама, і ад амікрон-штама. Таму тады неабходна будзе задзейнічаць новую платформу па стварэнні вакцын, якія ў цяперашні час Інстытут Гамалеі ўжо адпрацаваў, і ў цяперашні час [вакцына] праходзіць першую стадыю клінічных выпрабаванняў», — сказаў ён.
«Калі адбудзецца выцясненне (дэльта-штама каранавіруса «амікронам»), неабходна будзе <…> замяніць устаўку, якая кадзіруе, вызначае абарону да дэльта-штама, на ўстаўку, якая будзе вызначаць, адпаведна, абарону да амікрон-штама, такія канструкцыі ўжо створаныя», — растлумачыў Гінцбург.
Па словах Гінцбурга, першыя даныя аб эфектыўнасці вакцыны «Спутнік V» супраць штама каранавіруса «амікрон» могуць быць атрыманыя ўжо на наступным тыдні.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў7
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары