Сёння ў Латвіі стартуе ЧС па хакеі. Часткова ён быў павінен праводзіцца ў Мінску
Але з-за грамадска-палітычнай сітуацыі турнір у Беларусі забралі і цяпер дзве групы згуляюць у Латвіі.
У Мінску павінен быў прайсці турнір у групе А, паўфіналы і фінал.
Зборная Беларусі першы матч правядзе сёння супраць Славакіі (пачатак у 20:10).
У нядзелю — матч са Швецыяй (16:15), у панядзелак — з Чэхіяй, у сераду — з Вялікабрытаніяй, у наступную пятніцу — з Даніяй, таксама будзе паядынак са Швейцарыяй і апошняя гульня ў групавым турніры 1 чэрвеня супраць Расіі.
У іншай групе гуляюць Латвія, Канада, ЗША, Фінляндыя, Германія, Нарвегія, Італія, Казахстан.
У плэй-оф выходзяць чатыры каманды з групы.
Чвэрцьфіналы пройдуць 3 чэрвеня, паўфіналы — 5 чэрвеня, матч за 3-е месца і фінал — 6 чэрвеня.
Адзначым, што турнір у першым дывізіёне сёлета таксама з-за каранавіруса не праводзіўся, таму ніхто не заваяваў пуцёўку ў вышэйшы дывізіён, адпаведна, ніхто на турніры ў Латвіі не вылеціць.
Як рыхтаваўся візіт Ціханоўскай у Кіеў і чаму ён некалькі разоў пераносіўся12
Каментары