Кітайскі касмічны апарат «Цяньвэнь-1» сеў на паверхню Марса, паведамляе Xinhua са спасылкай на нацыянальнае касмічнае ўпраўленне.
«Цяньвэнь-1» — гэта арбітальны апарат, пасадачны модуль і марсаход. Ён быў запушчаны з правінцыі Хайнань 23 ліпеня 2020 года.
Касмічны апарат выйшаў на арбіту Марса ў лютым пасля амаль сямі месяцаў падарожжа ў космасе і правёў больш за два месяцы, даследуючы патэнцыйныя месцы пасадкі, перадае агенцтва.
Апарат пачаў зніжацца раніцай у суботу і каля 04:00 капсула, у якую ўваходзяць пасадачны модуль і марсаход, аддзялілася ад апарата. Яна ўвайшла ў атмасферу Марса на вышыні 125 км, перадае Xinhua.
Пасадка была надзвычай складаная з-за адсутнасці наземнага кантролю, карабель праводзіў яе аўтаномна, растлумачыў супрацоўнік Цэнтра вывучэння Месяца і касмічных праграм Нацыянальнага касмічнага кіравання Гэнь Ян.
Цяпер чытаюць
З чорнага спісу артыстаў прыбралі тры гурты. Дазволілі нават «Кіно»3
З чорнага спісу артыстаў прыбралі тры гурты. Дазволілі нават «Кіно»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары