Дома ў яго правялі ператрус, забралі аргтэхніку. Брат Аляксандра паведаміў, што паўтаралі нешта пра наркотыкі, піша «Першы рэгіён».
Каля 9-й гадзіны раніцы сілавікі прыбылі дадому да жыхара Брэста Аляксандра Казлянкі. Пра гэта паведаміў брэсцкі лідар Свабоднага прафсаюза Беларускага Валянцін Лазарэнкаў. Сябрам гэтага прафсаюза з'яўляецца Казлянка.
«Гучалі нейкія падазрэнні ў захоўванні або распаўсюдзе наркотыкаў. Для мяне гэта абсурдна, я ведаю Аляксандра як чалавека, які не паліць, не п'е, выступае за здаровы лад жыцця», — кажа Валянцін Лазарэнкаў.
Брат Аляксандра Дзмітрый распавёў Лазарэнкаву, што затрымлівалі даволі жорстка. Дзмітрыя паклалі на падлогу тварам уніз.
«Затрыманне адбывалася на вачах у маці і бацькі, па словах Дзмітрыя, бацька ледзь прытомнасць не страціў», — кажа Валянцін Лазарэнкаў.
У Аляксандра Казлянкі дома канфіскавалі аргтэхніку, тэлефоны. Куды яго адвезлі, пакуль што не вядома.
За апошнія гады, кажа Валянцін Лазарэнкаў, Аляксандра не раз затрымлівалі. Ён прытрымліваецца анархічных поглядаў.
-
Хэдлайнерам канцэрта ў Мінску ў Дзень Перамогі стане Алег Газманаў
-
Палітвязня Уладзіміра Кнігу трэці раз будуць судзіць за «злоснае непадпарадкаванне» ў калоніі
-
Севярынец: Мы не павінны быць ружовымі поні і казаць, што мы будзем гладзіць па галаве тых самых кадэбістаў альбо спецназаўцаў, якія б’юць людзей
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца11
Каментары