У офіс Godel Technologies у Гродне прыходзілі сілавікі. Затрыманы адзін з супрацоўнікаў
У офіс кампаніі прыходзілі супрацоўнікі Кастрычніцкага РАУС Гродна. Яны хацелі агледзець працоўнае месца Ягора Сачко ў рамках адміністрацыйнай справы. Аднак проста на рабочым месцы за непадпарадкаванне быў затрыманы Уладзімір Родчанка, піша Hrodna.life.
Уладзімір Родчанка — інжынер-праграміст у «Godel Technologies». Яму 32 гады, ён жанаты, мае дзяцей пяці і сямі гадоў. Ён рэгулярна падтрымліваў акцыі салідарнасці ў Гродне ў чэрвені і ліпені 2020 года.
12 жніўня 2020 года Уладзімір з трыма знаёмымі ўстаў на калені насупраць Гродзенскага аблвыканкама з фота пяцігадовай дзяўчынкі, якая пацярпела ўвечары напярэдадні. Хлопцаў затрымалі, збілі ў РАУС і размалявалі твар маркерам. Увечары 12 жніўня Уладзімір трапіў у бальніцу хуткай медыцынскай дапамогі. Пазней яго неаднаразова судзілі па арт. 23. 34 КаАП, а ён спрабаваў абскардзіць рашэнні суда.
Godel Technologies — IT-кампанія па аказанні паслуг у сферы распрацоўкі праграмнага забеспячэння ў Еўропе. Офісы знаходзяцца ў 12 гарадах Беларусі і не толькі.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары