Навукоўцы назвалі дзікіх жывёл, якія рызыкуюць заразіцца каранавірусам
Насельнікі акіянарыумаў, у тым ліку кітападобныя, могуць заразіцца каранавірусам ад людзей, паведаміла ria.ru біёлаг, удзельнік канферэнцый канвенцый ААН у галіне аховы жывёл і біяразнастайнасці Марыя Варанцова.
«Вырашылі зрабіць скрынінг жывёл, каб зразумець, на якія віды вірус можа пераскочыць. Навукоўцы высвятляюць, у клетках якіх жывёл ёсць рэцэптары, на якія вірус можа пераскочыць. Параўнальна нядаўна было выдзелена 40 відаў жывёл па структуры клетак, на якія вірус можа сесці і можа іх заразіць. У прыватнасці, гэта ўсё зубатыя кіты: дэльфіны, бялухі, касаткі, нарвалы, а таксама цюлені. У групу рызыкі трапілі і чалавекападобныя малпы. Таму цяпер абараняюць гарыл у Афрыцы, каб не было перадачы віруса», — сказала Варанцова.
Яна таксама дадала, што ва ўмовах акіянарыума небяспека падхапіць вірус ад чалавека ў жывёл значна павялічваецца. Акрамя таго, магчымая і зваротная перадача.
«Калі вярнуцца да жывёл, то, напрыклад, касаткі— жывёлы вельмі далікатныя і лёгка заражаюцца ад чалавека», — сказала Варанцова.
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары