«Волю народа фальсіфікаваць немагчыма». Ініцыятыўную групу Бабарыкі зарэгістравалі
ЦВК разгледзеў заяўку на рэгістрацыю ініцыятыўнай групы па вылучэнні ў кандыдаты ў прэзідэнты Віктара Бабарыкі. Было пару недахопаў, два чалавекі не з'яўляюцца грамадзянамі Беларусі, адзначыла сакратар камісіі, але гэта не з'яўляецца праблемай.
Лідзія Ярмошына панаракала на тое, што Бабарыка пастаянна абнаўляў спіскі, што стварала дыскамфорт. Але групу зарэгістравалі.
Калі Бабарыка выйшаў з будынка ЦВК, ён зрабіў некалькі заяваў для СМІ:
«Я разумею, што ў камісіі не было падставаў не рэгістраваць. Плануем сабраць 100 тысяч подпісаў, спадзяемся, што будзе больш».
«Я пайшоў на выбары, бо я, як чалавек Савецкага Саюза, рашыў для сябе: калі не я, то хто. Мой сын сказаў цудоўную фразу: «Ведаючы цябе, ты ніколі не даруеш, што не зрабіў гэтага».
«Я не прарасійскі кандыдат, я прабеларускі. У мяне іншага адказу няма».
«Я не збіраюся ні з кім ваяваць. Я іду не на вайну, а на выбары. Калі будзе перамога, я не думаю, што яе трэба будзе ад кагосьці адстойваць. Мы жывём у краіне, якая хай і здаецца недэмакратычнай, але дастаткова добрай і спакойнай, дзе пры правільнай арганізацыі працы воля народу будзе пачутая.
Волю народа фальсіфікаваць немагчыма».
Збор подпісаў стартуе заўтра, 21 мая. Трэба сабраць да 19 чэрвеня 100 тысяч подпісаў.
Апытанка
Цяпер чытаюць
Памятаеце Данілу з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў і з чаго ўсё пачалося1
Каментары