Прадстаўнікі салігорскай міліцыі наведалі мясцовых актывістаў каб распавесьці ім пра адказнасьць ў выпадку паездкі ў Менск 25 сакавіка на мітынг апазыцыі.
У прыватнасьці, да Андруся Тычыны і Ільлі Шылы супрацоўнікі прыходзілі ў школу, а да Аляксея Валабува заявілісяна працу. Маладзёны адназначна расцэньваюць гэткія супрацьпраўныя спробы запалохаць актывістаў напярэдадні Дня Волі, як палітычны перасьлед.
Кажа Аляксей Валабуеў:
‑Гэткія папярэджаньні можна разглядаць з двух бакоў. З аднаго, гэта нейкая бязглуздая і сьмешная спроба запужаць тых, каго ўжо даўно бессэнсоўна запужаць ня тое што адміністрацыйнай, а нават і крымінальнай адказнасьцю. Тым больш, што мерапрыемства ў Менску афіцыйна дазволена гэтымі ж уладамі. Зь іншага боку нічога сьмешнага тут няма. Улады як і раней працягваюць займацца незаконным палітычным уціскам сваіх апанэнтаў. Які сэнс папярэджваць аб адміністратыўнай адказнасьці за магчымы ўдзел у абсалютна законным мерапрыемстве? Тым больш папярэджваць далёка ня кожнага грамадзяніна Беларусі, а толькі «неблаганадзёжных». Відавочна, што гэта банальная спроба запужаць актывістаў. Палітычны перасьлед, які ўжо даўно стаў звычайным.
Варта адзначыць, што з новага году салігорскую міліцыю ўзначаліў Аляксандр Астрэйка. Але ж насуперак вядомай прымаўцы «новая мятла» мяце па‑старому...
Як рыхтаваўся візіт Ціханоўскай у Кіеў і чаму ён некалькі разоў пераносіўся12
Каментары