Імя Тадэвуша Касцюшкі важна для Беларусі, ЗША, Польшчы і Літвы. Пра гэта заявіў міністр замежных спраў Беларусі Уладзімір Макей сёння на ўрачыстым мерапрыемстве з нагоды 274-й гадавіны з дня нараджэння Тадэвуша Касцюшкі, піша БелТА.
«Наша мерапрыемства прысвечана аднаму з самых вядомых і славутых у свеце ўраджэнцаў Беларусі Тадэвушу Касцюшку, імя якога важна для Беларусі, ЗША, Польшчы і, з улікам гістарычнага кантэксту, Літвы. Нас прыцягвае ў Касцюшку неверагодны размах яго асобы», — сказаў Уладзімір Макей.
«Паўсюдна Тадэвуш Касцюшка пакінуў па сабе глыбокі і незабыўны след», — перакананы кіраўнік беларускага МЗС.
Як адзначыў Уладзімір Макей, заслугі Тадэвуша Касцюшкі былі высока ацэнены яшчэ пры жыцці. Ён атрымаў ганаровае амерыканскае і французскае грамадзянства. Атрымліваў таксама шчодрыя грашовыя і зямельныя падарункі, у тым ліку ад кангрэсу ЗША, брытанскага парламента, урадаў Швецыі і Францыі, расійскага імператара Паўла I.
«Выхадзец з тэрыторыі сённяшняй Брэсцкай вобласці Тадэвуш Касцюшка ў прамым сэнсе слова заклаў камень у падмурак адной з самых паважаных у ваеннай сферы навучальных устаноў — Ваеннай акадэміі ЗША ў Вэст-Пойнце. Дарэчы, на днях у Беларусі з візітам знаходзіўся адзін з былых студэнтаў гэтай акадэміі, дзяржаўны сакратар ЗША Майкл Пампеа, з якім была размова аб неабходнасці далейшага развіцця двухбаковых адносін. Ён таксама сказаў, што кожны ў акадэміі ведае імя Тадэвуша Касцюшкі. Сённяшняе мерапрыемства шмат у чым з'яўляецца яркім працягам гэтага візіту.
Міністр замежных спраў Беларусі звярнуў увагу, што ёсць розныя меркаванні датычна дзейнасці Тадэвуша Касцюшкі, як, дарэчы, кожнай выключнай асобы ў гісторыі. «Але, нягледзячы на неадназначнасць ацэнак фігуры Касцюшкі, не ставіцца пад сумнеў велічыня яго ўздзеяння на людзей і ход гістарычных падзей», — заявіў Уладзімір Макей.
Кіраўнік знешнепалітычнага ведамства таксама заявіў, што Беларусь з павагай ставіцца да агульнай гісторыі, нават калі ў ёй ёсць спрэчныя старонкі. Не трэба дзяліць, каму больш — Беларусі, Літве, Польшчы, ЗША ці нават Швейцарыі або Францыі належыць імя Касцюшкі», — лічыць міністр.
Анжаліку Мельнікаву бачылі ў Мінску ў «Дана Моле»53
Каментары