Арына Сабаленка перамагла Вікторыю Азаранка ў галоўным для Беларусі тэнісным матчы года
Гэтай ноччу здарылася ўнікальная для Беларусі падзея. Упершыню на топ-турніры паміж сабой згулялі экс-першая ракетка свету Вікторыя Азаранка і першая ракетка Беларусі Арына Сабаленка.
.@SabalenkaA outlasts two-time finalist Azarenka in the @usopen first round!
The No. 9️⃣ seed wins the all-Belarusian matchup, 6-3, 3-6, 6-4--> https://t.co/Ln4fmnhRx4 pic.twitter.com/XEuspNkCHb
Лёсаванне звяло іх у першым раўндзе Адкрытага чэмпіянату ЗША па тэнісе (US Open). Матч прайшоў сёння ноччу ў Нью-Ёрку і скончыўся перамогай Арыны — 3:6, 6:3, 6:4. Доўжыўся ён 2 гадзіны 13 хвілін.
Азаранка раней ніколі не пакідала US Open пасля першага раўнда, а ў 2012 і 2013 гг. наогул дабіралася да фіналу.
Арына год таму выбыла ў 4-м раўндзе, прайграўшы Наомі Осака, якая ў выніку выйграла US Open.
У наступным крузе Арына Сабаленка згуляе з Юліяй Пуценцавай (Казахстан).
Прабіўся ў наступны раўнд мужчынскага турніру і Ягор Герасімаў, які перамог у трох сэтах паўднёваафрыканца Ллойда Харыса — 7:5, 7:6, 7:6.
А вось Ілля Івашка прайграў Танасі Какінакісу (Аўстралія) - 3:6, 6:7, 7:6, 2:6
Пастар Грэм на «Чыжоўка-арэне» папрасіў маліцца за Лукашэнку і Пуціна. А сам маліўся за Трампа55
Каментары